Iešguđetlágan mánáidsuodjalusásahusat

Norggas gávdnojit máŋggalágan mánáidsuodjalusásahusat, ja eanaš nuoraid várás. Mánát vuollel 12 jagi fárrehuvvojit dábálaččat biebmoruovttuide.

  • Ásahusat nuoraid várás geat leat gaskal 12 – 18 jagi. Muhtumat fállet oanehisáiggefuolahusa, ja earát fas leat nu hábmejuvvon ja plánejuvvon ahte sáhttet fállat fuolahusa guhkit áigái. Ásahusat sáhttet earret eará fállat ásodagaid gos nuorat sáhttet orrut fuolahusa loahppa áiggi. Mánáidsuodjalusásahusat addet maid nuoraide maŋŋedivššu. Muhtun mánáidsuodjalusásahusat leat daid nuoraid várás geat iešguđetlágan sivaid geažil eai sáhte orrut váhnemiid luhtte dahje biebmoruovttuin (fuolahusfárreheamit), ja earát fas daid nuoraid váráš geat čájehit duođalaš láhttenváttuid ( láhttenfárreheamit, ja gárrenmirkkováttut).
  • Ásahusat mat fállet fuolahusa nuoraide geain leat duođalaš láhttenváttut sirrejit ulbmiljoavkku golmma jovkui: 1) nuorat geain láhttenváttuid ovdánanriska lea unni,  2) nuorat geain láhttenváttuid ovdánanriska lea stuoris, , 3) nuorat geain leat bistevaš mirkkogeavahanváttisvuođat.
  • MultifunC-ásahus fállá orruma ja dearvvasmahttima nuoraide geain leat duođalaš láhttenváttut. MultifunC lea dearvvasmahttinmálle ásahusas ja lagasbirrasis duođalaš láhttenváttot nuoraide.
  • Fáhkkatlaš- ja čielggadanásahusat leat mánáid ja nuoraid várás geat dárbbašit veahki dallánaga. Dat sáhttá leat ahte sii heahtedilis dárbbašit veahki fárret. Ásahusaid ulbmil lea oanehisáiggis gávdnat čovdosiid mat mánnái dahje nuorraolbmui leat buoremusat guhkit áiggi vuollái.