Aktiver Javascript i din nettleser for en bedre opplevelse på regjeringen.no

Historjá norgga biepmuid birra

Mátkeealáhusstrategiijas – "Biebmovásáhusat buohkaide" ráđđehus lea geatnegahttán iežas čállit váldohistorjjá norgga biepmuid birra.

Mátkeealáhusstrategiijas – "Biebmovásáhusat buohkaide" – maid ráđđehus ovdanbuvttii diibmá, leat guokte oassemihtu. 1. oassemihttu dadjá ahte “Norga galgá leat riikkaidgaskasaš dovddus biebmonašuvdna čielga báikkálaš ja guvllolaš gullevašvuođain.” Strategiija olis ráđđehus lea geatnegahtton čállit váldohistorjjá norgga biepmuid birra, vaikko čállit biebmojulggaštusa Norgii, viidábut perspektiivvain go biepmut mátkeealáhusa oktavuođas.

Kraftkar fra Tingvoll vuittii World Cheese Award Espánnjas 2016:s.
Kraftkar fra Tingvoll vuittii World Cheese Award Espánnjas 2016:s. Govva: Eanandoallo- ja biebmodepartemeanta

Meannudettiin St. Dieđ. 11 (2016-2017) Rievdadus ja ovdáneapmi - boahtteáigásaš eanandoallobuvttadeapmi, bivddii Stuoradiggi rievdadit eanandoallo- ja biebmopolitihka mihttomearrehámádaga čalmmustahttin dihte Norgga biebmonašuvdnan. Stuoradiggi bivddii konkrehtalaččat dán sátnádeami bidjat eanet árvoháhkama mihtu vuollái: “Viidáset ovdánahttit Norgga biebmonašuvdnan". 

Norgga sáltejuvvon sávzza-/lábbáčoarbbealli lea nationála hersko ja das lea Geográfalaš suddjejuvvon namahus Norggas ja das lea EO suddjen kopierema ja sulastahttima vuostá.
Norgga sáltejuvvon sávzza-/lábbáčoarbbealli lea nationála hersko ja das lea Geográfalaš suddjejuvvon namahus Norggas ja das lea EO suddjen kopierema ja sulastahttima vuostá. Govva: Matmerk

Eanandoallo- ja biebmodepartemeantta 2018 bušeahttaproposišuvnnas lea biebmonašuvdna Norga čielgasit goallostuvvon eanandoallo- ja biebmopolitihka mihttomearrehámádahkii. Ráđđehus geatnegahtto viidáset čohkket ja čalmmustahttit guvllolaš biebmojulggaštusaid valljivuođa ja konkretiseret mii biebmonašuvdna lea ja sáhttá šaddat. Dát proseassa álggii 2017 juovlamánus eanet stuora árvalančoahkkimiiguin, váldui viidáset fárrui ealáhusdelegašuvnna čoahkkimis Internationalii Berlinas ja dan boađusin lea vuos ráđđehusa oktasaš miessemánu mearrádus doarjut oktasaš višuvnna biebmonašuvdnii Norgii.

Bajás