Seksuála sojut, sohkabealidentitehta ja sohkabealovdanbuktin

Buohkain galget leat seamma vuoigatvuođat beroškeahttá seksuála sojus, sohkabealidentitehtas ja sohkabealovdanbuktimis

Homofiillat, lesbbat ja transolbmot (Ihbt-olbmot) galget beassat eallit rahpasit, ja Norgga eiseválddit barget dan ovdii ahte eastadit vealaheami. Ráđđehusa mihttomearri lea nannet lesbbaid, homofiillaid, bifiillaid ja transolbmuid vuoigatvuođaid ja vuostálastit vealaheami seksuála sojuid, sohkabealidentitehta ja sohkabealovdanbuktima geažil.  

Olbmuid miellaguottut rievdaduvvojit buoret guvlui ja lhbt-olbmuid eallindilálašvuohta ja birgenláhki ovdána positiivvalaččat, muhto ođđa dutkan čájeha ahte ain lea dárbbašlaš eambbo ulbmillaččat ja systemáhtalaččat bargat dáinna surggiin.