Vaššicealkámušat ja neahttagivssideapmi

Ii oktage olmmoš galgga vásihit veahkaválddi, vaši ii ge givssideami earret eará oskku, liikeivnni, čearddalašvuođa, sohkabeali, seksuála soju, sohkabealidentitehta dahje sohkabealdovddaheami dihte. Vaššicealkámušat ja neahttagivssideapmi sáhttet čuohcat duođalaččat ovttaskasolbmuide, joavkkuide ja olles servodahkii.

Sátnefriddjavuohta lea issoras divrras. Dat lea hui nanus Norggas. Cealkámušat mat buktit vaši eará olbmuide eai dohkkehuvvo liikká. Muhtun cealkámušat leat gildojuvvon Norgga lága bokte ja galget ráŋggáštusdoarrádallot.

Leat olu eanet mánát ja nuorat geat vásihit neahttavaši ja vaššicealkámušat go rávisolbmot. Nuorain lea riekti dorvvolaš digitála bajásšaddamii gos sii maid sáhttet buktit cealkámušaid neahtas. Mediabearráigeahčču fállá oahpahus- ja ságastallanresurssaid mat leat čadnon neahttavaššái, cealkámušaide neahtas ja demokratiijai gaskadási, nuoraidskuvlla ja joatkkaskuvlla váras.

Ráđđehus áigu lasihit áŋgiruššama neahttagivssideami vuostá ja čuovvola áŋgiruššamiid mat leat ásahuvvon Strategiijas vaššicealkámušaid vuostá (2016-2020).