Biebmodoallu ja biebman

Biebmopolitihka oppalaš váldoulbmil lea geahpedit dearvvašvuođaváttuid maid biebmodoallu buktá álbmogiid, sihkkarastit ahte borramuš ja juhkamuš lea dorvvolaš dearvvašvuođa dáfus,  ja váikkuhit dasa ahte biebmodoallu duhtada geavaheddjiid gáibádusaid, ja ahte borramuš buvttaduvvo ceavzilis ja birasustitlaš vuogi mielde.

Biebmodoalu boahtteáiggi váldodoaibma lea ge čuovvolit Doaibmaplána buoret biebmodoallu álbmoga várás 2007-2011.  

Norgga eiseválddit geavahit biebmodoalus iešguđetlágan strategiijaid ja gaskaomiid oktanaga.

Iešguđetlágan doaibmabijut

Servodatdásis geavahuvvojit čuovvovaš doaibmabijut geahpedan dihtii sosiálaerohusaid biebmodoalus:

• haddegaskaoamit
• ráhčat vai dearvvašlaš biebmut gávdnojit mánáidgárddiin, skuvllain, bargoeallimis ja friddjaáiggis
• borramušaid merken
• ovttasdoaibman priváhta ja eaktodáhtolaš surggiid gaskka

Eiseválddit bidjet návccaid dasa ahte buoridit geavaheddjiid ja čoavddajoavkkuid borramušgealbbu oahpahusas, dearvvašvuođas ja bargoeallimis.

Ásahusat biebmodoallobarggus  

Dearvvašvuođadirektoráhtas lea ovddasvástádus čuovvolit ja árvvoštallat Norgga biebmodoalu ovdánahttima, addit dieđalašvuođustuvvon ráđiid biebmodoalu birra ja ovttasbargat eará servodatsurggiiguin buoridan dihtii álbmotdearvvašvuođa.  

Departemeanta nammada Našunála biebmoráđi mii lea fágalaš sorjjasmeahttun oahppo- ja gealboguovddáš man doaibma lea buoridit álbmoga biebmodili. Ráđđi gullá hálddahuslaččat  Dearvvašvuođadirektoráhta biebmodoalu ossodahkii.

Biebmobearráigeahčus lea ovddasvástádus njuolggadusaid hárrái mat gusket biebmosuorgái.