Oljoruđaid geavaheapmi

Doaibmanjuolggadus lea plána, mii guoská dasa, mo oljoboađuid dássidit ja vehážiidda geavahišgohtet eanet go ovdal, sullii dan mađe, maid navdet oažžut vuoittu Stáhta olgoriikka penšuvdnafoanddas (SOP), birrasii 4 proseantta foandakapitálas.

Bušeahttapolitihka vuođđun lea doaibmanjuolggadus (handlingsregelen). Doaibmanjuolggadus lea plána, mii guoská dasa, mo oljoboađuid dássidit ja vehážiidda geavahišgohtet eanet go ovdal, sullii dan mađe, maid navdet oažžut vuoittu Stáhta olgoriikka penšuvdnafoanddas (SOP), birrasii 4 proseantta foandakapitálas. Oljodoaimmaid mávssut, mat molsašuddet, sirdojuvvojit ollisin Penšuvdnafoandda olgoriikkaoassái, ja geavaheami stivre doaibmanjuolggadus. Dan láhkai dat suddje stáhtabušeahta ja nannánekonomiija, amaset oljohatti oanehis áiggi molsašuddamat daidda čuohcat. Njuolggadusain deattuhuvvo, ahte nana ekonomiijaovdáneami galget adnit ereliiggán mávssolažžan, go hábmejit bušeahttapolitihka.

Eará riikkain leat maid stáhta bušeahttapolitihka njuolggadusat. Dain sáhttet earret eará ráddjet man stuoris bušeahttavuolláibáza sáhttá leat, man stuoris almmolaš vealgi dahje vearuhandássi sáhttá leat, dahje soitet ráddjet almmolaš goluid lassáneami. Norgga njuolggadusat leat heivehuvvon min dilálašvuhtii, mas petroleumdoaimmas bohtet stuorra, áiggiin ráddjejuvvon mávssut stáhtii. Vuolábealde leat eanet dieđut oljoruđaid geavaheamis ja bušeahttapolitihka njuolggadusat.