Konsešuvdnagieđahallan

Konsešuvdna mearkkaša ahte stáhta addá lobi hukset fápmorusttegiid Norggas.

Konsešuvdnaeiseválddit leat orgánat geat galget vástidit ahte konsešuvdnaohcamušat meannuduvvojit ja juogaduvvojit. Konsešuvdnaeiseválddit leat Stuoradiggi, Gonagas stáhtaráđis, Oljo- ja energiijadepartemeanta ja NVE.

Dat lea erohus stuorra ja smávva huksenáššiin, nugo rusttegat mat leat stuorit ja unnit go 10 MW. Gonagas stáhtaráđis lea konsešuvdnaeiseválddi ja meannuda áššiid čáhcelága mearrádusaid vuođul ja maiddái meannuda huksemiid mat leat stuorit go 10 MW čáhceresursalága vuođul. Almmatge lea NVE mii hábme ohcamušaid. 

NVE lea konsešuvdnaeiseváldi čáhceresursalága vuođul daidda elfápmorusttegiidda mat addet unnit go 10 MW fámu ja mat eai dárbbaš čuovvut čáhcelága mearriduvvon konsešuvdnarájá. Daidda gustojit njuovžilat áššemeannudannjuolggadusat go stuorit prošeavttaide, mii mielddis buktá ahte áššit meannuduvvojit johtileappot.

Energiijalága vuođul ii leat lobálaš hukset elfápmorusttegiid iige daid eaiggáduššat dahje jođihit almmá konsešuvnna haga. Dat mearkkaša ahte jos ovdamearkka dihtii lea ožžon konsešuvnna fápmorusttegii čáhceresursalága mielde, de lea lihká energiijalága mielde dárbu ohcat konsešuvnna elfápmorusttegii. 

NVE lea ožžon válddi mearridit rusttetkonsešuvnnaid, earret daid ođđa stuorra fápmojohtasiid mat leat guhkit go 20 kilomehtera ja mat addet stuorit fámu go 300 kV. Daid mearrida Gonagas Stáhtaráđis. Oljo- ja energiijadepartemeanta lea váiddaorgána daid áššiide maid NVE mearrida.