Doaibmaguovlu Finnmárku ja Davvi-Romsa

Ráđđehusa mihttu lea ahte doaibmaguovlu galgá leat geasuheaddji ássan-, bargo- ja ealáhusguovlun.

Doaibmaguvlui gullet buot Finnmárkku suohkanat ja vel čieža suohkana Davvi-Romssas: Gáivuotna, Skiervá, Ráisa, Návuotna, Gálsa, Ivgu ja Omasvuotna.

Doaibmaguovlu ásahuvvui 1990:s, dan geažil go olmmošlohku ja ealáhuseallin sakka unnugođii. 2003-2004 ráhkaduvvui stuoradiggedieđáhus doaibmaguvollu birra.

Deaŧaleamos doaimmat doaibmaguovllus leat:

•  Ii gáibiduvvo bargoaddidivat
•  Oahppoloana sihkkun, gitta 10 proseantta álgo loatnasummás, gitta 25 000 kr jagis
• Ii leat lassiárvodivat priváhta viesuid elrávnnjis
• Unnit persovdnavearru
• Eanet mánáidoadju nu gohčoduvvon “Finnmárkkulasáhusa” bokte
• Bálkádoarjja ovdaskuvlaoahpaheddjiide.

Ovdalaš guorahallamat čájehit ahte doaibmabijuin lea leamaš positiiva váikkuhus.

Finnmárkkulasáhus bisuhuvvo bearrašiidda geat ásset Finnmárkkus ja Davvi-Romssas
EFTA-duopmostuollu celkkii miessemánu 3. beaivvi 2006 duomu mánáidoaju finnmárkkulasáhusa birra. Das daddjo ahte lasáhus ii leat EEO-šiehtadusa oadjonjuolgga-dusaid vuostá gáibidit ahte galgá ássat doaibmaguovllus Davvi-Romssas dahje Finnmárkkus ovdal go oažžu finnmárkkulasáhusa. EFTA-duopmostuollu doarju nappo Norgga oainnu das ahte galgá leat vejolaš atnit guovllupolitihkalaš ortnegiid EEO-šiehtadusa rámmaid siskkobealde. Dán vuođul sáhtii Norga joatkit ortnega.

Foto: Bárents-čállingoddi