Riikkaviidosaš rávvagat ja njuolggadusat

Dá leat riikkaviidosaš rávvagat ja njuolggadusat, mat gusojit gaskaijarájes, juovlamánu 15. beaivvi čuovganeapmái.

Riikkaviidosaš rávvagat ja njuolggadusat
Govva: HOD /DSS

Láhkaásahusain nannejuvvon doaimmat bohtet fápmui ihkku, gaskavahku juovlamánu 15. beaivvi čuovganeapmái. Dat leat fámus vuos njeallje vahku dassáigo eará mearriduvvo, muhto ii leat veadjemeahttun ahte dat gustojit guhkit, dahje ahte dat gártet čavgejuvvot ain eanet.

Mávssoleamos

Váldde boahkuid. Basa gieđaid bures ja gosa giehtagávvii. Oro ruovttus go leat buozas.

Váldde iskosa, jos leat vuoiŋŋahatdávdamearkkat.

Muitte

Go it sáhte doallat unnimustá mehtera gaskka: geavat njálbmesuoji gávppiin, gávpeguovddážiid oktasaš areálain, guossohanbáikkiin, kollektiiva johtolagas, stašuvdnalanjain, doaluin siste, girjerájuin ja museain.

Priváhta ruovttuin ovttastallan

  • Ávžžuhit doallat 1 mehtera gaskka earáide, geaiguin it oro ovttas dahje geat eai leat vástideaddji vugiin lagaš olbmot. Spiehkastahkan leat mánáidgárddiid ja mánáidskuvllaid mánát, ja go bargá mánáiguin ja nuoraiguin / rašes joavkkuiguin.
  • Ávžžuhit leat válddekeahttá ruoktot eanet go 10 guossi, sin lassin geaiguin orut. Mánáidgárddiid ja mánáidskuvllaid mánáid guossái sáhttá boahtit sin kohorta/luohkká/ossodat.
  • Deaivvat fal earáiguin olgun, go dat lea vejolaš, dan sadjái go siste.
  • Geahpet lagaš ovttastalliid logu, muhto ale isolere iežat.
  • Fuolat áimmu johtimis dahje biggot bures.
  • Olbmot, geain lea riska buohccát hejot, ja boahkutkeahtes ollesolbmot berrejit suddjet iežaset, muhto eai galgga isoleret iežaset.

Norgii boađedettiin

Buot mátkkošteaddjit galget registreret iežaset ovdal go bohtet Norgii ja galget váldit iskosa Norgii boahtima oktavuođas.

Eanet dieđut riikii boahtima ja spiehkastagaid birra: regjeringen.no/innreise

Kollektiivajohtolat/dákse

Mii ávžžuhit garvit kollektiivajohtolaga, go lea gárži. Dákssiin galgá sihke mátkkošteaddji ja vuoddji geavahit njálbmesuoji.

Restauránttat, gáffádagat ja olgobáikkit

  • Alkohola vuovdin nohká dii 23.
  • Alkohola beassá vuovdit dušše beavdegurrii.
  • Guossohanbáiki galgá fuolahit, ahte buohkat sáhttet doallat 1 mehtera gaskka.
  • Guossohanbáikkit eai galgga lágidit doaimmaid, main olbmot lávejit leat lagabus nubbi nubbái, go mehtera, nu mo dánssaid.
  • Njálbmesuoji ii dárbbaš geavahit go čohkká beavdeguoras.

Vuoktačuohppi, liikedikšu ja sullasaš

Kunddar ii dárbbaš geavahit njálbmesuoji go dan ii leat geavatlaččat vejolaš dahkat.

Doalut

Ráddje sosiála ovttastallama ja doaluide searvama.

Loga regjeringen.no/arrangementer -siiddus ávžžuhusaid ja njuolggadusaid. Muhtun váldoáššit:

Njuolggadusat siste ja olgun lágiduvvon doaluid hárrái

Alkohola vuovdin nohká dii 23. Lágideaddji galgá fuolahit ee. ahte buohkat nagodit doallat unnimustá 1 mehtera gaskka.

Lágideaddji galgá oahpásmuvvat njoammuneastadeami relevánta standárddaide ja berre čuovvut daid. Lágideaddjit, geat áigot váldit vuostá eanet go 200 olbmo, galget čállit plána mo barget njoammuneastademiin.

Priváhta doalut/čoahkkaneamit almmolaš báikkiin, láigohuvvon/luoikkahuvvon lanjain

Siste: Eanemustá 30 olbmo, eanemustá 50 olbmo muitobottus.

Olgun: Eanemustá 50 olbmo.

Almmolaš doalut siste

Go eai leat fásta, mearriduvvon sajit: Eanemustá 30 olbmo.

Go leat fásta, mearriduvvon sajit: Eanemustá 1 500 olbmo, juhkkojuvvon eanemustá 200 olbmo kohortan.

Almmolaš doalut olgun

Go eai leat fásta, mearriduvvon sajit: Eanemustá 200 olbmo.

Go leat fásta, mearriduvvon sajit: Eanemustá 3 000 olbmo, juhkkojuvvon eanemustá 500 olbmo kohortan.

Olgodoaluin, mat gullet mánáid ja vuollái 20-jahkásaš nuoraid organiserejuvvon kultur-, valáštallan- ja asttuáigedoaimmaide, ii leat ráddjejuvvon gallis besset searvat, ja mielde besset leat nu ollu ollesolbmot go lea vealtameahttun.

Go almmolaš doaluin leat eanet go 200 oassálasti siste dahje eanet go 500 oassálasti olgun, de gustojit dát njuolggadusat:

  • Sáhttá geavahit eanemustá 50 % guossekapasiteahtas
  • Kohorttaid gaska galgá leat čađat unnimustá guokte mehtera
  • Guđege kohorttas galget leat geavahusas sierra hivssegat, ja sierra sajiin bivttaslanjat ja guossohanfálaldat, jos dakkár fálaldat leat.

Bargu

Bargoaddiid geatnegasvuohta lea fuolahit, ahte bargit barget ruovttus, jos dat lea geavatlaččat vejolaš, iige hehtte mávssolaš ja vealtameahttun doaimmaid bargosajis, earret eará doaimmain, main fuolahit mánáin ja rašes joavkkuin. Muhtun bargosajiin, main leat fálaldagat olbmuide, galgá geavahit njálbmesuoji.

Ávžžuhit fuolahit buori áibmojohtimis dahje biggohit bures.

Guoimmuhanpárkkat, duhkoraddanpárkkat, speallanhállat ja sullasaččat

Galget leat gitta.

Skuvllat, mánáidgárddit ja AÁF (asttuáigefálaldat)

Ávžžuhit čuovvut fiskes dási njuolggadusaid mánáidgárddiin ja mánáid- ja nuoraidskuvllain go njoammundilli dan gáibida, muhto gielddat fertejit árvvoštallat dili báikkálaččat. Fertejit leat gergosat johtilit čavget ráddjehusaid. Jeavddalaš iskosat guovlluin, main dávda leavvá sakka.

Ávžžuhit čuovvut ruoná dási njuolggadusaid joatkkaskuvllain ja ollesolbmuid oahpuin, muhto gielddat galget ieža árvvoštallat maid báikkálaččat barget.

Alit oahppu

Ávžžuhit lágidit eanet fysihkalaš oahpahusa, dainna eavttuin ahte čuvvot oppalaš njoammuneastadanrávvagiid.

Luohkkálatnjaoahpahusa ávžžuhit lágidit eanemustá 30 olbmui, geat dollet 1 mehtera gaskka. Go lágida oahpahusa stuorra auditoriain, ávžžuhit ráddjet guldaleddjiid logu njuolggadusaid vuođul, mat gusket almmolaš doaluide, main olbmuin leat fásta, mearriduvvon sajit.

Jos leat iskosat olámuttus, ávžžuhit studeanttaid jeavddálaččat dahkat iskosiid.

Valáštallan- ja asttuáigedoaimmat

Berre čađahit olgun nu guhkás go vejolaš, guoská buot ahkejoavkkuide.

Ávžžuhusat mánáid ja vuollái 20-jahkásaš nuoraid doaimmaide:

  • Olgodoaimmaid sáhttá lágidit nu mo dábálaččat.
  • Siste ávžžuhit ráddjet joavkku sturrodaga 20 olbmui dahje luohkkái/kohortii.
  • Sisdoaimmain sáhttá guoskat nuppiide, go dat lea vealtameahttun.
  • Loga eanet: no/arrangementer. 

Ávžžuhusat bajdel 20-jahkásaš ollesolbmuide:

  • Siste: Ávžžuhit ahte eai searvva eanet go 20 olbmo, geat dollet 1 mehtera gaskka. Intensiiva hárjehallamis berre doallat 2 mehtera gaskka.
  • Olgun: Doaimmaid sáhttá lágidit nu mo dábálaččat.

Njunušvaláštallamiin sáhttet doaibmat nu mo dábálaččat, go fal čuvvot  njoammuneastadandoaimmaid.

Hárjehallanguovddážat, vuojadanhállat, vuojadanpárkkat, sparusttegat, hoteallaid vuojadanáldát, bowlenhállat ja sullasaččat

  • Fertejit doaibmat njoammuneastadeami dáfus dohkálaččat, vai besset leat rahpasat.
  • Eanemustá 20 olbmo joavkohárjehallamiin siste.
  • Galgá doallat unnimustá 2 mehtera gaskka hui intensiiva doaimmain, siste.

Njoammunerren

Loga: regjeringen.no/smittekarantene.

Njoammuneastadeami dáfus dohkálaš doaimmat

Fuolat ahte lea vejolaš doallat 1 mehtera gaskka, čuovvut buori persovnnalaš čorgatvuođa, oppalaš čorgatvuođa ja biggoheami. Mearrit gallis lanjain sáhttet leat ja fuolat ahte plánaid čuvvot. Spiehkastahkan girjerájut, museat ja gávppit/gávpeguovddážat.