Dárogiela geavaheapmi norgga almmolaš orgánain

Giellaláhka gusto buot almmolaš orgánaide. Dan ulbmil lea addit dárogillii lágas nannejuvvon stáhtusa ja nannosut suodjaleami, dan bokte ahte sihkkarastet sihke girjedárogiela ja ođđadárogiela almmolaš geavaheami. Láhka galgá sihkkarastit dárogiela servodaga guoddi váldogiellan ja buohkaid oktasaš giellan riikkas. Seammás giellaláhka addá stáhtusa sámegielaide, kvenagillii, romanii, romanesii ja norgga seavagillii.

Láhka galgá sihkkarastit, ahte buot almmolaš orgánat

  • váldet ovddasvástádusa dárogiela ja ođđadárogiela geavaheames, ovddideames ja nannemis
  • muitalit áššiid čielga gillii ja giellanjuolggadusaid mielde bálvalusaid geavaheddjiide  ja álbmogii
  • čuvvot girjedárogiela ja ođđadárogiela almmolaš riektačállima

Stáhta orgánaide ja fylkkagielddaide leat earrenjuolggadusat ođđadárogiela ja girjedárogiela geavaheapmái (§§ 13 ja 14). Dakkár njuolggadusat gustojit maid hálddahuslaš doaimmaide universiteahtain ja stáhta allaskuvllain, eará stáhta skuvllain, joatkkaskuvllain, duopmostuoluin, soabahanráđiin ja áššáskuhtti eiseválddiin (vrd. § 3).

Eará mávssolaš njuolggadusat:

  • Giellalága § 19 vuođul Giellaráđđi lea lága geahččoorgána.
  • § 20 vuođul stáhta orgánat leat geatnegasat addit Giellaráđđái dieđuid, maid dat dárbbaša goziheapmái.

Giellaráđđi galgá maid bagadallat almmolaš orgánaid njuolggadusaid birra.