Álbmotoasseruhta ja Eaktodáhtolašregisttar

Álbmotoasseruhtaortnet álggahuvvui jagi 2009. Ruhtaspeallanláhka § 10 mearrida ahte spellejeaddjit geaidda gullevaš láhka gusto sáhttet ieža mearridit man stuora oasi speallanruđas sii háliidit addit dárkilit njuolggadusaid vuođul maid Gonagas lea mearridan Eaktodáhtolašregistarii (álbmotoasseruhta). Gustovaš láhkaásahus § 2 mearrida ahte álbmotoasseruhta galgá leat 7 proseantta speallanruđas.

Eaktun searvat álbmotoasseortnegii lea ahte báikkálaš joavkkut ja searvvit registrerejit iežaset Eaktodáhtolašregistarii ja almmuhit ahte sii háliidit searvat álbmotoasseruhtaortnegii. Dan sáhttá álkimusat dahkat dáppe: www.brreg.no/frivillighet. Eará eavttut galget maid ollašuvvon. Riikkaviidosaš organisašuvnnat eai beasa searvat ortnegii.

Gáibádus dieđihit iežas Eaktodáhtolašregistarii lea ahte dat lea searvi, vuođđudus dahje oasussearvi. Eaktuduvvo ahte bargá eaktodáhtolaš doaimmaiguin ja ahte das lea stivra. Jos almmolaš orgánat organiserejit doaimmaid dahje jos doaimmat jođihuvvojit ovttasdoaibmaprinsihpaid vuođul, de ii leat dain  registrerenvuoigatvuohta.

Álbmotoasseruđaid juolludemiid lassin, addá Eaktodáhtolašregisttar láhkanjuolggadusaid vuođul vejolašvuođa eaktodáhtolaš organisašuvnnaide geavahit  lassiárvodivatbuhtadusortnega. Eanet dieđuid ortnega birra gávnnat dáppe:  lottstift.no 

Jos ležžet gažaldagat Eaktodáhtolašregistara birra, de sáhtát čuojahit deike: Brønnøysundregistrene, tlf. 75 00 75 00. Jos háliidat diehtit eanet Álbmotoasseruhtaortnega birra de sáhtát váldit oktavuođa: Lotteri- og stiftelsestilsynet, e-poasta: postmottak@lottstift.no (merke e-poastta “Grasrotandelen”) dahje tlf. 57 82 80 00.

Bajás