Stáhtalaš dáhkádus olgoriikalaš čájáhusaid várás

Gonagas stáhtaráđis sáhttá stuorit olgoriikalaš čájáhusaid oktavuođas dahkat dáhkádussoahpamušaid ollislašrámma siskkobealde maid Stuoradiggi mearrida jahkásaččat.

Stáhtalaš dáhkádusortnet ásahuvvui 1985:s, ja das lea stuora kulturpolitihkalaš mearkkašupmi. Čájáhusásahusat sestet dáhkádusmáksogoluid, mii addá norgga museaide ja galleriijaide vejolašvuođa lágidit olgoriikalaš čájáhusaid main lea alla kvalitehta.

Norgga kulturráđi ovddasvástádussii gullá hálddašit ortnega. Dasa leat ráhkaduvvon sierra njuolggadusat mat čilgejit eavttuid ja gáibádusaid.

Stáhtalaš dáhkádusnjuolggadusat olgoriikalaš čájáhusaid várás mat lágiduvvojit Norggas ja ohcangáibádusat

Norgga kulturráđi neahttasiidduin gávnnat eanet dieđuid ohcangáibádusaid birra (girjegillii).