Justiisa- ja gearggusvuođasuorggi ulbmilat

Stáhtabušeahtas 2015 mearriduvvojedje dán suorgái logi ođđa ulbmila.

Ođđa ulbmilat leat mearriduvvon daidda surggiide gos leat stuora hástalusat ja gos nuppástuhttindárbu lea stuoris. 

Unnit ulbmilat, čielgasat vuoruheapmi

2013:s ledje Justiisa- ja gearggusvuođasuorggis 52 váldoulbmila ja oasseulbmila. Ledje uhcán nuppástuhttinulbmila, ulbmilat gustojedje buot departemeantta ovddasvástádussurggiide ja  vuoruhangaskaoapmin dat doibme heittogit.

Ođđa ulbmilstruktuvrrain háliida Ráđđehus ovddidit eanet boađusáŋggirdeaddji hálddašeami mas lea. 

Justiisa- ja gearggusvuođasuorggi ulbmilat

Ráŋggáštusáššegollosa ulbmilat

  • Geahpedit duođalaš vearredaguid
  • Nannet rihkolašvuođa eastadandoaimmaid
  • Beaktileabbo ráŋggáštusáššegoalus

Dorvoohcciidgollosa ulbmilat

  • Geahpedit dorvoohcciid geain eai leat suddjendárbbut
  • Johtilit čielggadit identitehta
  • Jođáneappot máhcahit

Servodatsihkkarvuohta- ja gearggusvuođagollosa ulbmilat

  • Geahpedit raššivuođa servodagas
  • Nannet ovttasdoaibmama gearggusvuođas ja roasuid meannudeamis 
  • Máhttovuđot eastadanbarggut
  • Buoret jođiheapmi ja jođihankultuvra

Bajit ulbmiliid lassin árvaluvvui vel erenoamáš doaibmaulbmil: “Nannet riektedássálasvuođa ja riektesihkkarvuođa sidjiide geat dárbbašit fuolaheaddji”, mii 2015 rájes gusto Stáhta siviila riektehálddašeapmái ja fylkkamánniide. 

Loga eanet dieid logi ulbmiliid birra Justiisa- ja gearggusvuođadepartemeantta bušeahttaárvalusas (dušše dárogillii)