Norgga miellahttovuohta ON:a olmmošvuoigatvuođaráđis

Norga válljejuvvui ođđa lahttun ON:a olmmošvuoigatvuođaráđđái áigodahkii 2009-2012, go ON:a bajimuš čoahkkin New Yorkas válljii ođđa lahtuid miessemánus 2009.

Norga válljejuvvui ođđa lahttun ON:a olmmošvuoigatvuođaráđđái áigodahkii 2009-2012, go ON:a bajimuš čoahkkin New Yorkas válljii ođđa lahtuid miessemánus 2009.  

Olmmošvuoigatvuođaráđđi lea ON:a deháleamos orgána olmmošvuoigatvuođaid ovddideami ja nannema várás. Olmmošvuoigatvuođat leat Norgga olgoriikkapolitihkas vuođđogeađgi. Nu ii leat buot riikkain, ja odne mii oaidnit máŋga viggamuša geahnohuhttit olmmošvuoigat­vuođaid.  

Danne lea midjiide buohkaide ávkin ahte olmmošvuoigatvuođat baicce nanusmuvvet ja ahte ON:a orgánat mat galget olmmošvuoigatvuođaid ovddidit, doibmet nu bures go fal vejolaš. Min jáhkku multilaterála čovdosiidda mearkkaša ahte mii galgat bargat daid struktuvrraid siskkobealde mat gávdnojit. Mii sihke sáhttit ja dáhttut searvat dehálaš addagiiguin Olmmoš­vuoigatvuođaráđi dehálaš bargui. Danne mii ozaimet šaddat Ráđi miellahttun áigodahkii 2009-2012.                                                                                                      

Norga lea guhká áŋgiruššan riikkaidgaskasaš olmmošvuoigatvuođabargguiguin. Dárko­jeaddjin Olmmošvuoigatvuođaráđis (OV-ráđis) Norga lea Ráđi bargui sihke aktiiva divaštalli ja ávžžuheaddji, kritihkár ja lágideaddji. Min hárjáneapmi čájeha ahte gulahallamiin ja ovttasráđálaš barggus, ja ulbmálaš viggamušaiguin válljejuvvon áššiide, bohtet buoremus bohtosat. Dainnago mii gullat Ráđi 47 lahtu searvái, de mii áigut leat aktiiva ja geavahit iežamet vejolašvuođaid váikkuhit mearrádusaide. Seammás mi galgat doaladit vejolašvuođas cealkit vuostá go juoga ii leat dohkálaš.