Láidestanprográmma

Ulbmil lea addit sisafárrejeaddjái dárogiela vuođđomáhtu, vuođđoáddejumi norgga servodaga birra ja ráhkkanahttit su bargui dahje ohppui.

Geasa ortnet guoská?

Ulbmiljovkui gullet 18 - 55 -jahkásaččat, geat:
• leat ožžon dorvobáikki ja seammás báhtareaddji stáhtusa
• leat nuppi riikkas sirdon sisafárrejeaddjit
• leat ožžon orrunlobi humanitára sivaid geažil, go leat ohcan dorvobáikki
• leat ovttastahtton bearašlahtuin, gii gullá bajábeale joavkkuide
• leat earráneami maŋŋá ožžon orrunlobi iehčanas vuođuin, daningo leat illástuvvon ovttaseallimis (suoidnemánu 1. b. 2011 rájes)

Sis geat gullet ortnega ulbmiljovkui, ja geat dárbbašit vuođđogealbudahttima, lea vuoigatvuohta ja geatnegasvuohta searvat láidestanprográmmii.

Gieldda ovddasvástádus
Gielddas lea geatnegasvuohta lágidit láidestanprográmma aiddo boahtán sisafárrejeddjiide, geat gullet ulbmiljovkui, ja geat ásset gielddas. Láidestanláhka addá maid seammás gielddaide riekterámma searvadahttinbarggu várás. Vuoigatvuohta searvat láidestanprográmmii gusto dušše vuosttaš ássangielddas.

Prográmma sisdoallu

Láidestanprográmma lea oktagaslaččat heivehuvvon ollesáigegealbudahttin, man ulbmil lea nannet aiddo boahtán sisafárrejeddjiid vejolašvuođa searvat bargui ja servodahkii, ja sin ruđalaš iehčanasvuođa. Prográmma váldun lea dárogiela ja servodatmáhtu oahpahus, ja doaimmat mat ráhkkanahttet viidásut ohppui dahje bargui. 

Searvan addá vuoigatvuođa láidestandoarjagii
Go searvá prográmmii de oažžu maid vuoigatvuođa láidestandoarjagii. Doarjja lea guokte geardde álbmotoaju vuođđosupmi jahkái. Vuollái 25-jahkásaš oassálastit ožžot 2/3 doarjagis. Doarjagis galgá máksit vearu. 

Ávkkálaš dieđuid láidestanprográmma birra gávnnat SGDi siidduin