Almmolaš suorggi dulkon

Mánáid-, dásseárvo- ja searvadahttindepartemeanttas lea bajit dási ovddasvástádus láhčit dilálašvuođaid dárogiela ja eará gielaid gaskasaš dulkomii almmolaš suorggis.

Searvadahttin- ja girjáivuođadirektoráhtas (SGDi) lea nationála fágaeiseváldi almmolaš dulkoma suorggis. SGDi:s ovddasvástádus Nationála dulkaregistaris ja das lea ovddasvástádus juolludit stáhtaautorisašuvnnaid dulkkaide. Buot hálddašandásiin, suorgeeiseválddiin ja gielddain lea iehčanas ovddasvástádus ovddidit buriid dagaldumiid dulkabálvalusaid diŋgomii, geavaheapmái ja kvaliteahtasihkkarastimii. 

SGDi lea ráhkadan dulkabálvalusaid oastinbagadusa. Bagadusa gávnnat dulkauvssohis

Lasihit dulkkaid geavaheami ja oažžut dulkoma buorebut olámuddui

NAČ 2014:8 Tolking i offentlig sektor – et spørsmål om rettssikkerhet og likeverd (Almmolaš suorggi dulkon – riektesihkarvuođa ja ovttaárvosašvuođa gažaldat) geigejuvvui čakčamánus 2014. Čielggadeami mielde lea dárbu geavahit eanet gelbbolaš dulkkaid buot almmolaš suorggi osiin ja nannet dili, nu ahte leat doarvái gelbbolaš dulkkat. Lávdegoddi árvala danin almmolaš suorgái lágas nannejuvvon geatnegasvuođa geavahit gelbbolaš dulkkaid dihto diliin. Lávdegoddi árvala maid ásahit áigodahkii 2015-2018 nannenplána,  man ulbmil lea lasihit gelbbolaš dulkkaid logu ja ásahit buriid vuogádagaid, maid bokte gaskkustit, diŋgojit ja čuovvolit dulkkaid.  

Almmolaš suorggi dulkončielggadus lea sáddejuvvon gulaskuddamii.