Kultuvraminisstar ájggu sáme kulturav låpptit vaj sjaddá ájnas oasse Vuona kultuvrraárbes

Ráddidus berus vaj sáme kultuvrraåvddånbuktema li diehttelis oassen subttsasis Vuona birra, ja dat le vuorddemussan boandás ja moattebelak kultuvvraiellemij boahtteájge hárráj.

Ådå kultuvrradiedádusá aktijvuodan sihtá Kultuvradepartemænnta gávnadit makkir sadje sáme dájddaåvddånbuktemjt le juohhka oasen sebrudagán vaj bessi strategijajt dahkat gåktu åvdedit sáme dájdda- ja kulltuvvraåvddånbuktemijt moatten arenán.

- Sáme dájdda ja kultuvrra bierri oadtjot ájn tjielggasap jienav Vuona rijkan. Gájka mij gudi Vuonan årrop vierttip dåhkkidit sáme kultuvrraárbev oassen mijá aktisasj identitiehtas, ja vaddet ulmutjijda åvvå rijkan máhttelisvuodav dajna oahpásmuvvat. Máhttelis buojkulvisá lulun liehket sáme buvtadime Kultuvralasj skåvllåvuossan, sáme dájdda ådå Nasjunála musean, vuosádusá Beaivváš-teáhteris åvvå rijkan ja ienep sáme kultuvrra ja juojggam TV:an, javllá kultuvraminisstar Linda Hofstad Helleland.

Sámedikke presidænnta Aili Keskitalo sjivnnju kultuvraminisstara dåjmalasjvuodav:

- Dát le ájnas lávkke åvddån mij buktá stuoráp dádjadusáv sáme kultuvras ja sebrudagás, ja jus ájggomusá gåtseduvvi máhttá dát ájgget dás maŋŋela låpptit sáme dájdav ja kultuvrav.

Kultuvradepartemænnta galggá basádismáno 10. biejve tjåhkanit Sámedikke háldadusájn kultuvrradiedádusá birra ságastittjat. Sjaddi ienep tjåhkanime boahtte jage ja lahka aktandoajmma Sámedikkijn.  Ájggomus bierri liehket dahkat strategijav masi Sámedigge ja Stuorradigge máhtteba guorrasit.