Kultuvreministere sæjhta saemien kultuvrem lutnjedh vihkeles bieline Nöörjen kultuvreaerpeste
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Almmustahtton: 15.11.2017
Reerenasse sæjhta saemien kultuvredarjomh edtja bieliem soptsesistie Nöörjen bïjre årrodh, jïh dïhte krïevenasse ræjhkoes jïh gellielaaketje kultuvrejieleden åvteste båetije biejjide.
Barkosne orre kultuvrebïevnesinie Kulturdepartemeente vaajtele goerehtidh mah sijjieh saemien kåansth utnieh gaajhkene bieline mijjen siebriedahkesne guktie jïjtje strategijem darjodh saemien kåanste- jïh kultuvredarjoemidie gellie sijjine.
- Saemien kåanste jïh kultuvre tjuerieh tjïelkebe gïelem Nöörjesne åadtjodh. Gaajhkesh mijjieh gïeh Nöörjesne årroeminie tjoerebe saemien kultuvreaerpiem jååhkesjidh bieline mijjen aktanamme identiteeteste, jïh mijjieh tjoerebe vihtiestidh vuartasjæjjah jïh goltelæjjah ellies laantesne nuepiem åadtjoeh daam damtedh. Vuesiehtimmiej gaavhtan saemien produksjovnh Den kulturelle skolesekken:sne, saemien kåanste orre Nasjonalmuseeumisnie, Beaivváš-teatere abpe laantesne feelede jïh jienebh saemien kultuvre jïh joejkemh TV:sne, kultuvreministere Linda Hofstad Helleland jeahta.
Saemiedigkiepresideente Aili Keskitalo kultuvreministeren skreejremem lyjhkoe:
- Daate lea vihkeles sïlle geajnosne stuerebe goerkesem sjugniedidh saemien kultuvren jïh siebriedahken åvteste, jïh jis intensjovnide tïjjen mietie fulkedh sjædta lutnjemem saemien kåanstide jïh kultuvride.
Kulturdepartemeente edtja bearjadahke rahkan 10.b. sov voestes raerietjåanghkoem utnedh Saemiedigkien administrasjovnine kultuvrebïevnesen bïjre. Sjædta jienebh tjåanghkojde bööredh båetije jaepien jïh lïhke Saemiedigkine laavenjostedh. Ulmie tjuara årrodh strategijine barkedh mij dovne Saemiedigkie jïh Stoerredigkie maehtieh dåhkasjidh.