Áššedovdijoavku, mii guorahallá koalla- ja petroleumfitnodagaide investerema - Lahtut

Almmustahttináigodat Solberga ráđđehus

Almmustahtti: Ruhtadandepartemeanta

Joavkku jođiha siviilaekonoma Martin Skancke. Su lassin joavkkus leat professor Elroy Dimson, professor Laura Starks, professor Michael Hoel, dr. juris. Gro Nystuen ja dutkanjođiheaddji Magdalena Kettis.

Joavkku jođiha siviilaekonoma Martin Skancke. Su lassin joavkkus leat professor Elroy Dimson, professor Laura Starks, professor Michael Hoel, dr. juris. Gro Nystuen ja dutkanjođiheaddji Magdalena Kettis.

Martin Skancke lea iehčanas ealáhusdoalli ja lea ovdal bargan ekspedišuvdnahoavdan Stáhtaministara kantuvrras ja Ruhtadandepartemeanttas. Sus lea stuorra riikkaidgaskasaš ánsu ráđđeaddin earret eará strategiijaovddideami hárrái ja stáhta investerenfoanddaid organiserema hárrái, earret eará IMF olis.

Elroy Dimson lea ruhtadeami professor emeritus London Business Schoolas ja Cambridge Universitys ja lea čállán artihkkaliid earret eará ovddasvástideaddji investerema birra ja aktiiva eaiggátvuođa birra. Son lea jođihan SOP Strategiijaráđi máŋgii, maŋimusat 2013, goas ráđđi geahčadii ovddasvástideaddji investerengeavada strategiija.

Laura Starks lea ruhtadeami professor University of Texasis, USA:s. Su váldosuorgin leat ásahuslaš investorat ja buorre fitnodatstivren, muhto sus leat maid ánssut kvantitatiiva, ruhtadeami deattuheaddji dutkamis. Starks lei mielde 2013 Strategiijaráđis.

Michael Hoel lea Oslo universitehta Ekonomalaš instituhta servodatekonoma. Son dovdá viidát biras- ja resursaekonomiija ja lea ožžon ollu ánssu earret eará dálkkádatgažaldaga dutkamušastis.

Gro Nystuen lea senior-partner International Law and Policy Institutes (ILPI) ja lea ovdal jođihan Stáhta penšuvdnafoandda Etihkkaráđi. Nystuen lei mielde Graver-lávdegottis, mii árvalii SOP vuosttaš etihkalaš njuolggadusaid. Nystuen lea ovdal bargan Olgoriikabálvalusas ja Oslo universitehtas.

Magdalena Kettis lea ovdal bargan earret eará Norgga Báŋkkus, gos sus lea leamaš sihke ovddasvástádus eaiggátriskkas ja servodatlaš ja biraslaš stivremis. Dál son lea Global Child Forum dutkanjođiheaddji Stockholmas. Sus lea riikkaidgaskasaš politihkalaš ekonomiija PhD Stockholma universitehtas.