Stáhtabušeahtta 2018

15 milliuvnna ruvnna NORLAi ja Norgii mii lea váldoriika Girjemeassuin Frankfurtas 2019:s

Norga galgá leat váldoriikka máilmmi stuorámus girjemeassuin Frankfurtas 2019:s. Dát lea okta dain stuorimus norgga kultuvrra áŋgiruššamiin olgoriikkas ođđasit áiggis, ja njuikehat guhkitáigge loktemii mii guoská norgga kultuvrra girjáivuođa eksporteremii. Dán áŋgiruššamii lea juolluduvvon doarjja oktiibuot 30 milliuvnna ruvnna mii juhkkojuvvo 2018 ja 2019 jagiide. 15 milliuvnna evttohuvvo juolluduvvot 2018:s. 5 milliuvnna juolluduvvo Olgoriikadepartemeantta bušeahta bokte ja 10 milliuvnna fas Kulturdepartemeantta bušeahta bokte.

– Norga lea váldoriikka Frankfurt Girjemeassuin ja dat lea earenoamáš vejolašvuohta joatkit ja ovddidit riikkaidgaskasaš fuomášumi mii lea leamašan norgga girjjálašvuhtii ja kultuvrii. Leahkit váldoriikan addá stuora vejolašvuođaid loktet Norgga nugo kulturriikan ja nannet norgga beaggima mátkkoštanealáhusa dáfus ja luopmobáikin, lohká kulturministtar Linda Hofstad Helleland.

Lea NORLA – Senter for norsk skjønn- og faglitteratur i utlandet (Norgga čáppagirjjálašvuođa ja fágagirjjálašvuođa guovddáš olgoriikkas) geas lea ovddasvástádus plánet ja čađahit prošeavtta. Lassánan girjjálašvuođaeksportta lea oassi ráđđehusa áŋgiruššamis nannet hutkkas ja kultuvrralaš ealáhusaid. Lassin girjjálašvuhtii ja girjjiide, gaskkustuvvo norgga musihkka, dánsa, teáhter ja visuála dáidda kulturásahusain miehtá Duiskka, miehtá jagi. Duiska lea dat deháleamos eksportamárkan buot kulturealáhusaide ja danne lea guhkitáigge perspektiiva dehálaš maiddái dasa mii dáhpáhuvvá olggobealde measso-/márkanguovllu.