20 miljovnna čorget mearrabotni Stavangeris

Foto: Wikipedia/Creative Commons.

Bangarvågen mearrabotni lea sakka nuoskkiduvvon eallisilbba ja PCB geažil. Čorgen bissehivčče birasnuoskkideami dán guovllus.

-Dat lea hui dehálaš čorget nuoskkiduvvon hámmanguovlluid, sihke mearraeallimii ja báikkálaš olbmuide. Maŋimuš jagiid lea ráđđehus fuolahan dan ahte mearrabotnit galget čorgejuvvot, nugo Bergenis, Flekkefjordas ja Sandefjordas. Juolludus Stavangerii lea maid dehálaš dan dáfus go dán guovllus lea stuora bargguhisvuohta, cealká dálkkádat- ja birasministtar Vidar Helgesen.

Barggolašvuođabeaktu

Bangarvågen čorgenprošeakta Stavangeris sáhttá álggahuvvot hui johtilit ja addá ollu bargosajiid juo 2016 rájes nugo prošekteren-, plánen- ja huksensuorggis.  Ryfylkka Ryfast geaidnoprošeavtta tuneallabohkanbargguid olis  sáhttá viežžat buhtis mássaid gokčat nuoskkiduvvon mearrabotni Bangarvågen guovllus.

17 vuoruhuvvon guovlluid gaskkas lea Stavanger okta gos lea áibbas dárbbašlaš čorget nuoskkiduvvon mearrabotni.  Stáhta ruđat leat juo ovdalis juolluduvvon guorahallamiidda ja riskaárvvoštallamiidda Stavangeris, earret eará Bangarvågenis.

Servodatávkkálaš prošeakta

Ryfast-geaidnobargguid oktavuođas lea dát servodatávkkálaš prošeakta. Ođđa, buhtis mearrabotni ráhkaduvvo ja ođđa ekovuogádat ásahuvvo dehálaš guovlluide Vågenis.  Servodahkii lea maid ávkkálaš go geavahat mássaid Ryfast prošeavttas. Buøy guovllus Bangarvågenii lea oanehis gaska, ja seammá go mássaid galgá fievrridit gokčat mearrabotni, ja báikegottiin šaddá maid unnit riedja ja  nuoskkideapmi.

Doaibmabidju sáhttá juo álggahuvvot 2016 ja jáhkkimis barggut leat čađahuvvon 2017:s.