2013 Eaktodáhtolašvuođa bálkkašupmi juhkkojuvvon eaktodáhtolaš ”Bassi Ovllá čájálmasa” oassálasttiide

Almmustahttináigodat Solberga ráđđehus

Almmustahtti: Kulturdepartemeanta

- Dán jagáš bálkkašumi vuoiti lea dehálaš vuođđocaggi báikkálaš kultur- ja organisašuvnna doaimmas. Sii ásahit lagasvuođa ja goargatvuođa báikkálaš ja nationála historjái, ja sii leat ovdagovvan dasa movt eaktodáhtolaš ja ámmátlaš dásis sáhttet ovttasbargat.

2013 Eaktodáhtolašvuođa bálkkašumi vuoiti ovttas kulturministtarin. G.r.: Petter Bjartnes Čájálmasas, kulturministtar Thorhild Widvey ja Leif Johannes Sagen Čájálmasas.

2013 Eaktodáhtolašvuođa bálkkašumi vuoiti ovttas kulturministtarin. G.r.: Petter Bjartnes Čájálmasas, kulturministtar Thorhild Widvey ja Leif Johannes Sagen Čájálmasas. (Govven: nyebilder.no)

- Dán jagáš bálkkašumi vuoiti lea dehálaš vuođđocaggi báikkálaš kultur- ja organisašuvnna doaimmas. Sii ásahit lagasvuođa ja goargatvuođa báikkálaš ja nationála historjái, ja sii leat ovdagovvan dasa movt eaktodáhtolaš ja ámmátlaš dásis sáhttet ovttasbargat. Sin teáhterbuvttadeamis lea alla kvaliteahta mii ealáskahttá min nationála kulturárbbi, dajai kulturministtar Thorhild Widvey go geigii dán jagi eaktodáhtolašvuođa bálkkašumi.

"Bassi Ovllá spealus" Stiklestadas Olav Gullvåg (giehtačálus) ja Paul Okkenhaug (musihkka) lei álgočájálmas jagi 1954 namahusain "ovdal soađi". Jagi 2014:s lea čájálmasas  60-jagi ávvudeapmi. Olssotbeivviin čájálmas gaskkusta dehálaš osiid norgga kulturhistorjjás, Stiklestad soađi birra mii šattai rievdadussan risttalašvuođa ásaheapmái ja riikagonagasváldái Norggas. Gitta juo álggu rájes lea eaktodáhtolaš bargu leamašan guovddáš caggiin teáhterbuvttadeami buot organisatuvrralaš dásiin. Jagi 2013:s sullii 830 olbmo 5 ahkásaččaid rájes gitta 87 ahkásaččaid rádjai lea luopmoáiggis ja astoáiggis oaidnán čájálmasa. Jagi 2013:s eaktodáhtolaš bargan oktiibuot dagahii badjel 11 jahkedoaimma.

Dán jagi eaktodáhtolašvuođa bálkkašumi nubbe finalisttat ledje eaktodáhtolaččat Moss gávpoga Home-Start bearašgulahallama guoktá Hilde Hjelseth ja Carol Østby ja lohkanbeana Molly. Home-Start álggahuvvui Mossas jagi 2011:s ja lea juo dorjon sullii 50 bearrašiid. Organisašuvnnas lea viiddis ovttasbargu dearvvašvuođastašuvnnain, mánáidgárddiin, bearašsuodjalusain, psyhkalaš dearvvašvuođasuodjalusain, PPB:in ja earáiguin. Carol Østby lea ovddasmanni terapiijabeanaáššis ovttas iežas Mollyn. Ovttas soai leaba earenoamáš oahpahuvvon mánáidbeanan ja bargaba eaktodáhtolaččat máŋga beaivvi vahkus Mollyn lohkanbeanan girjerádjosiin ja skuvllain Grimstad gávpogis.

Eaktodáhtolašvuođa bálkkašumi birra
Eaktodáhtolašvuođa bálkkašupmi juhkkojuvvo sealgilis olbmui, báikkálaš searvái dahje jovkui mii earenoamážiid lea čájehan eaktodáhtolaš áŋgiruššama, beroštumi ja duostilvuođa mii lea ávkin juohkehažžii ja/dahje servodahkii. Eaktodáhtolašvuođa govdodat ja girjáivuohta, sihke organisašuvdnahámi, temáhtalaččat, agi ja kultuvrra dáfus, galgá guhkit áiggi vuollái bures oidnot bálkkašumi vuitiid gaskkas. Bálkkašupmi sáhttá juhkkojuvvot dan vuođul maid okta olmmoš, báikkálaš searvi dahje joavkku eaktodáhtolaččat lea áŋgiruššan guhkit áiggi dahje ráddjejuvvon áiggi prošeavtta bakte.

Eaktodáhtolašvuohta Norga lea 2006 rájes juohkán Eaktodáhtolašvuođa bálkkašumi Kulturdepartemeanta gohččosa vuođul. Bálkkašupmi juhkkojuvvo juovlamánu 5. beaivvi ON riikkaidgaskasaš eaktodáhtolaš beaivvi oktavuođas.

Riikadási jurys leat Øyvind Håbrekke, Bent Høie, Signe Bock Segaard, servodatdutkan instituhtta, Arezo Banafsheh ja Eaktodáhtolašvuohta Norga stivrra ovdaolmmoš/sadjásaš ovdaolmmoš.

Geahča maiddái Eaktodáhtolašvuođa Norgga neahttasiidduin

Kulturministtar Thorhild Widvey geige 2013 Eaktodáhtolašvuođa bálkkašumi Bassi Ovllá čájálmasa eaktodáhtolaš oassálasttiide. G.r. Kulturministtar Thorhild Widvey, Eaktodáhtolaš Norgga stivrra sadjásaš ovdaolmmoš Arnt Holte, Čájálmasa ovddasteaddji guoktá Leif Johannes Sagen ja Petter Bjertnes, Home-Start ovddasteaddji guoktá Helen Mollatt ja Hilde Sofie Hjelseth, ja Carol Østby.
Kulturministtar Thorhild Widvey geige 2013 Eaktodáhtolašvuođa bálkkašumi Bassi Ovllá čájálmasa eaktodáhtolaš oassálasttiide. G.r. Kulturministtar Thorhild Widvey, Eaktodáhtolaš Norgga stivrra sadjásaš ovdaolmmoš Arnt Holte, Čájálmasa ovddasteaddji guoktá Leif Johannes Sagen ja Petter Bjertnes, Home-Start ovddasteaddji guoktá Helen Mollatt ja Hilde Sofie Hjelseth, ja Carol Østby. (Govven: nyebilder.no)