2,4 miljovnna bassivádjoleaddjiáŋgiruššamii

Nidarosa duopmogirku divodanbarggut váldet badjelasaset ovddasvástádusa Nationála bassivádjoleaddjiguovddážii. Seammás ožžot sii 2,4 miljovnna kruvnnu spealloruđain merket ja divodit Olav-vázzingeainnu.

Suoidnemánu 1.b. sirdojuvvo ovddasvástádus Nationála bassivádjoleaddjiguovddážis Nidarosa duopmogirku divodanbargguide, mii lea Kulturdepartemeantta vuollásaš doaimmahat. Riikaantikváras lea leamaš ovddasvástádus guovddážii, maid Ealáhus- ja guolástusdepartemeanta, Dálkkádat- ja birasdepartemeanta ja Kulturdepartemeanta leat ruhtadan.

Riikaantikvára Jørn Holme ja kulturministarii Linda Hofstad Helleland.
Riikaantikvára Jørn Holme addá Nationála bassivádjoleaddjiguovddáža ovddasvástádusa viidáseappot kulturministarii Linda Hofstad Helleland. Govva: GOD

- Olav-vázzingeaidnu lea dehálaš oassi norgga kulturárbbis. Dat nanne bassivádjoleaddjiárbevieruid Norggas go sirdit ovddasvástádusa Nidarosa duopmogirku divodanbargguide, cealká Linda Hofstad Helleland.

Sirdima oktavuođas oažžu Nidarosa duopmogirku divodanbarggut 2,4 miljovnna kruvnnu divodit ja merket Olav-vázzingeainnu Troandimii. Bassivádjoleaddjivázzingeaidnu ráhppojuvvui 1997:s ja dalle merkejuvvui vázzingeaidnu Oslos Troandimii ja Verdalas/ Stiklestadas Troandimii. Dat lea ollu mii dáhpáhuvvá bassivázzingeainnuin ja dat mielddisbuktá dárbbu divodit ja merket buorebut.