Historjjálaš arkiiva

Reviderejuvvon nationálabušeahtta:

25 miljovnna kruvnnu lassijuolludeapmi lassiárvobuhtadussii valáštallanrusttegiid huksemiid oktavuođas

Historjjálaš arkiiva

Almmustahttináigodat Solberga ráđđehus

Almmustahtti: Kulturdepartemeanta

Ráđđehus árvala 25 miljovnna kruvnno lassijuolludeami lassiárvobuhtadussii valáštallanrusttegiid huksemiid oktavuođas. Árvaluvvon lassijuolludeapmi mielddisbuktá, ahte ollislaš juolludeapmi lassiárvobuhtadussii lea dál125 miljovnna kruvnnu. Dát ráđđehus lea de duppalastán rámma dán ortnegis, mii leai 55,8 miljovnna kruvnnu ovddit ráđđehusa 2014 bušeahttaárvalusas.

Kulturministtar Thorhild Widvey, stuoradiggeáirras Mette Tønder (O), NVL (NIF) generálačálli Inge Andersen, stuoradiggeáirras Morten Stordalen (OB), stuoradiggeáirras Terje Breivik (G), stuoradiggeáirras Geir Jørgen Bekkevold (KrÁ).
Gurut rávddas: Kulturministtar Thorhild Widvey, stuoradiggeáirras Mette Tønder (O), NVL (NIF) generálačálli Inge Andersen, stuoradiggeáirras Morten Stordalen (OB), stuoradiggeáirras Terje Breivik (G), stuoradiggeáirras Geir Jørgen Bekkevold (KrÁ). Govva: Ketil Frøland/Kulturdepartemeanta

-Lassiárvobuhtadusortnet mielddisbuktá ahte šaddá álkit ruhtadit rusttetinvesteremiid. 25 miljovnna kruvnnu sturrosaš lassijuolludeapmi lea erenoamáš mávssolat báikkálaš, eaktodáhtolaš valáštallamii miehtá riikka, cealká kulturministtar Thorhild Widvey. – Ortnet lea hui bivnnut ja dat lea illudahtti oaidnit ahte valáštallansearvvit leat beroštišgoahtán fas hukset rusttegiid, dadjá kulturministtar Widvey.   

Dan rájes go ortnet ásahuvvui jagi 2010 leat valáštallanjoavkkut ja searvvit ožžon 277 kruvnnu buhtadusdoarjaga, ja ráđđehus lea máŋgii juo lasihan juolludemiid dán ortnegii 2014 ja 2015 bušeahta oktavuođas.