Historjjálaš arkiiva

Stáhtabušeahtta 2018

8,2 milliuvnna kulturmátkeealáhussii

Historjjálaš arkiiva

Almmustahttináigodat Solberga ráđđehus

Almmustahtti: Kulturdepartemeanta

Ráđđehus čuovvola kulturáŋgiruššama mii lea mátkeealáhusdieđáhusas Opplev Norge – unikt og eventyrlig (Vásit Norgga – earenoamáš ja máinnaslaš) ja evttoha 8,2 milliuvnna ruvnna doaimmaide nannet kulturmátkeealáhusa.

– Mii orrut guhkes riikkas gos oažžut čáppa dáidda- ja kulturvásáhusaid. Mun háliidan ahte eambbosat go dal galget beassat vásihit kultuvrra, lassin go besset vásihit vuonaid, váriid, gaskaijabeaivváža ja guovssahasaid. Danne háliidit láhčit dili geahppaseabbon laktit oktii kultuvrra ja mátkeealáhusa. Dáidda ja kultuvra lea váldosuotna mátkkošteamis ja das ahte beassá vásihit riikkaid ja álbmogiid, lohká kulturministtar Linda Hofstad Helleland.

Maŋŋil go Stuoradiggi meannudii mátkeealáhusdieđáhusa dán giđa, nammadii ráđđehus Kultuvrra ja mátkeealáhusa ovttasbargoráđi. Ráđđi lea juo buktán iežaset vuosttaš fuomášumiid ráđđehusa kulturmátkeealáhusa strategiijai.

8,2 milliuvdna ruvdnosaš doarjja galgá adnojuvvot ovddidit máhttovuođu mátkeealáhussii mas vuođđun lea kultuvra, ja viidáseappot doaimmaide mat gusket kultuvra ja mátkeealáhusa strategiijaide mii galgá ovdanbuktojuvvot 2018:s. 2 milliuvnna ruvnna leat várrejuvvon ásahit álkiduvvon čoahkkeprográmma, mii earenoamážit guoská kultuvrra ja mátkeealáhusa ovttasdoaibmamii.