Aktiver Javascript i din nettleser for en bedre opplevelse på regjeringen.no

Reviderejuvvon nationálabušeahtta

85 miljovnna kruvnnu ođđa filbma- ja ráidobuvttademiide

Ráđđehus evttoha rievdadusaid stáhtabušehttii veahkehan dihte filbmasuorggi hálddašit njoammudávddaid eastadandoaimmaid corona-njoammudávdda geažil. Stuora filbma- ja ráidobuvttadeamit leat bissehuvvon, ja plánejuvvon buvttadeamit leat maŋiduvvon mearritkeahtes áigái.

– Norgga filbmainstituhtas lei riekta johtilit álggahit doaimmaid veahkehit filbmasuorggi dustet  hástalusaid corona-njoammudávda geažil. Ráđđehus evttoha rievdadusaid stáhtabušehttii vai ođđa filbma- ja ráidobuvttadeamit sáhttet álggahuvvot go servodat dađis rahpasa, cealká kultur- ja dásseárvoministtar Abid Q. Raja.

Norgga filbmainstituhtta álggahii filbmasuorggis ollu heahtečovdosiid go corona-njoammudávda leavai, earret eará sirdojuvvui 85 miljovnna kruvnnu Filbmafoanddas sihkkarastin dihte ahte bissehuvvon buvttadeamit fas álggahuvvojit go dilli buorrána. Ráđđehus evttoha ođđasisjuogadeami reviderejuvvon nationálabušeahtas, vai Filbmafoandda juolludus lasihuvvo 30 miljovnna kruvnnuin, ja addit NFI:i válddi juolludit eanemusat 55 miljovnna kruvnnu, lassin dan supmi mii lea juolluduvvon Filbmafondii dán jagi.

Norgga Filbmainstituhttii lea 2020:s dehálaš gozihit ahte bissehuvvon buvttadeamit fas álggahuvvojit, ja ahte NFI oažžu vejolašvuođa juolludit ođđa buvttadandoarjagiid.  Dákkár doarjagat leat dehálaččat plánet ja álggahit ođđa prošeavttaid ja oažžut priváhtaruhtadeami. Vuordimis maŋiduvvojit internationála filbma- ja tv-buvttadeamit dán jagi corona-njoammudávdda geažil, juoga mii váikkuha insentiivaortnega dárbbuide. Danne vállje ráđđehus sirdit ruđaid dán ortnegis Filbmafondii.    

– Doaibmabijut galget veahkehit filbmasuorggi birget roasu čađa ja Norgii addit  ovdamuniid go  buvttadeamit sáhttet álggahuvvot dakkaviđe go dilli buorrána, loahpaha kultur- ja dásseárvoministtar.

Bajás