Eanet humanitára veahkki galggašii mannat oahpahussuorgái

-Dálá dilis gos olbmot vásihit ollu surgadis humanitára roasuid fertešii ON duhátjagiulbmiliid ja geafivuođa eastadandoaimmaid buorebut vuoruhit. Máilmmiservodat ferte hehttet ahte olles buolvvat daid guovlluin gos leat roasut ja riiddut eai beasa čađahit oahpuset masa sis lea vuoigatvuohta. Norga áigu earret eará bargat ahte oahpahus šaddá oassin riikkaidgaskasaš humanitára áŋgiruššamis, celkkii stáhtaministtar Erna Solberg otne ON-čoahkkimis.

-Dálá dilis gos olbmot vásihit ollu surgadis humanitára roasuid fertešii ON duhátjagiulbmiliid ja geafivuođa eastadandoaimmaid buorebut vuoruhit. Máilmmiservodat ferte hehttet ahte olles buolvvat daid guovlluin gos leat roasut ja riiddut eai beasa čađahit oahpuset masa sis lea vuoigatvuohta.  Norga áigu earret eará bargat ahte oahpahus šaddá oassin riikkaidgaskasaš humanitára áŋgiruššamis, celkkii stáhtaministtar Erna Solberg otne ON-čoahkkimis.

ON-čoahkkimis otne válddii Solberg ovdan movt mii sáhttit eanet guovdilastit ja ovddidit oadjebas skuvlavázzima oppalaččat, ja nieiddaide erenoamážit.

-Ollu vearjogeavaheaddjit heađuštit nieiddaid skuvlavázzima. Ovdamearka lea Boko Haram Nigerias. Dákkár oktavuođain fertejit nationála eiseválddit leat mielde sihkkarastimin nieiddaid vuoigatvuođaid čađahit oahpuset. Nieiddat vásihit erenoamážit seksuála veahkaválddálašvuođa skuvlavázzima geažil, ja dat mielddisbuktá ahte sii heitet skuvllas.

Stáhtaministtar Erna Solberg  ja Rwanda Presideanttain Paul Kagame jođiheaba ovttas ON generálačálliid duhátjagiulbmiliid láidesteaddjijoavkku. Dan oktavuođas bivddii Solberg ovdal geasi álggahit raportabarggu movt ON duhátjagiulbmilat leat čađahuvvon, dainna ulbmilin ahte fuomášahttit ja loktet beroštumi duhátjagiulbmiliid vuoruheapmái ja čađaheapmái jagi 2016 rádjai.  Raporta almmuhuvvo láidesteaddjijoavkkus ON-generálačoahkkima oktavuođas New Yorkas otne.

Raporta sisttisdoallá doaimmaid  maid 38 máilmmiviidosaš jođiheaddjit, nugo stáhta ja ráđđehushoavddat, ON-jođiheaddjit, eará riikkaidgaskasaš organisašuvdna jođiheaddjit ja jođiheaddjit priváhta suorggis ja siviila servodat leat árvalan.

-ON duhátjagiulbmiliid láidesteaddjijoavkku jođiheaddjin lean hui ilus go beasan almmuhit dakkár raportta masa leat čohkkejuvvon iešguđet máilmmiviidosaš jođiheddjiid áŋgiruššamat olahan dihtii ON duhátjagiulbmiliid, dadjá stáhtaministtar Solberg.

Eará doarjjajuolludeaddjit leat vel ON generálačálli Ban Ki Moon, Bangladesh stáhtaministtar Sheikh Hasina, Nigeria presideanta Goodluck Jonathan, Duiskka stáhtanjunuš Angela Merkel, Stuora Británnia stáhtaministtar David Cameron, Malala Yousafzai ja Máilmmibáŋkku jođiheaddji Jim Yong Kim.