Eanet ruhtadoarjja nuppástuhttindoaimmaide daid guovlluin gos leat erenoamáš ollu boraspiret

Ráđđehus árvala ásahit sierra álkis ja diehttevaš nuppástuhttinortnega šibiteaiggádiidda geat háliidit álggahit ođđa eanadoalloguoskevaš ealáhusdoaimmaid dakkár guovlluin gos boraspiret leat áittan.

Ráđđehus árvala ásahit sierra álkis ja diehttevaš nuppástuhttinortnega šibiteaiggádiidda geat háliidit álggahit ođđa eanadoalloguoskevaš ealáhusdoaimmaid dakkár guovlluin gos boraspiret leat áittan.  

Boraspiresoahpamuš nanne dan ahte guohtungeavaheapmi vuoruhuvvon boraspireguovlluin galgá heivehuvvot eastadeaddji doaibmabijuiguin ja nuppástuhttindoaimmaiguin. Vuolggasadji lea man ollu boraspiret gávdnojit guohtunguovlluin.

Bušeahttajagi 2015 rájes árvala ráđđehus de várret čieža miljovdna sturrosaš doarjaga nuppástuhttindoaimmaide šibiteaiggádiid várás geain lea meahccevuđot sávzadoallu. Ortnet guoská boanddaide geat guhká juo leat gillán stuora boraspirevahágiid ja geat háliidit álggahit ođđa doaimmaid iežaset eanadoalloeatnamiin.

-Ulbmil lea geahpedit sávzavahágiid ja elliid gillámušaid daid guovlluin gos boraspiret leat áittan, ja danne mii vuoruhat sierra ruđaid dasa. Mii oaivvildat ahte sierra ruđat buoridit diehttevašvuođa ja uhcidit riidduid, cealká dálkkádat- ja birasministtar Tine Sundtoft. 

Birasdirektoráhtta galgá juolludit doarjjaruđaid nuppástuhttindoaimmaide, regionála ja báikkálaš biras- ja eanadoalloeiseválddiid evttohusaid vuođul.