Innovatiiva máilmmiviidosaš dearvvašvuođadoaibma oažžu doarjaga Norggas

-Dál go buori muddui leat olahan duhátjagiulbmiliid, ja ON ođđa bistevaš ulbmiliid 2015-2030 galgat mearridit, de fertet gávdnat ođđa vugiid movt ruhtadit ceavzilis ovddidandoaimmaid, celkkii stáhtaministtar Erna Solberg ON bajitdási čoahkkimis searvevuođa “Every Woman Every Child” oktavuođas, gosa ON generálačálli Ban Ki-moon leai su buvden.

-Dál go buori muddui leat olahan duhátjagiulbmiliid, ja ON ođđa bistevaš ulbmiliid 2015-2030 galgat mearridit, de fertet gávdnat ođđa vugiid movt ruhtadit ceavzilis ovddidandoaimmaid, celkkii stáhtaministtar Erna Solberg  ON bajitdási čoahkkimis searvevuođa “Every Woman Every Child”  oktavuođas, gosa ON generálačálli Ban Ki-moon leai su buvden.

Stáhtaministtar Solberg almmuhii EWEC-bajitdási čoahkkimis ahte doarju máilmmiviidosaš etniid- ja mánáiddearvvašvuođadoaimma (GFF) 600 miljovnna ruvnnuin jahkásaččat áigodagas 2015-2020, dainna eavttuin ahte earát maid dahket dan seammá. GFF  almmuhuvvui otne EWEC-bajitdási čoahkkimis gos oassálaste ON generálačálli Ban Ki-Moon, presideanta Jim Kim, Máilmmibáŋkkus, Canada stáhtaministtar Stephen Harper ja USAID hálddašeaddji Rajiv Shah.

Ruhtadandoaimma ásaheami ulbmil lea nannet ja buoridit etniid ja mánáid dearvvašvuođa  geahpedan dihtii jámolašvuođa, mii maiddái lea duhátjagiulbmil 4 ja 5. Norgga doarjja GFF:ii mearkkaša ahte dálá doarjagat etniid- ja mánáiddearvvašvuođa  doaibmabijuide lágiduvvojit GFF-doaimma bokte. Mihttomearrin lea ahte dát galggašii doaibmagoahtit ovdal 2016. 

Stáhtaministtar Solberg oaivvilda ahte máilmmiviidosaš ruhtadandoaibma galggašii nannet ruhtadeami ja investeremiid etniid- ja mánáiddearvvašvuođasuorggis searvevuođariikkain. Dearvvašvuohta lea ovdáneami eaktu. Lea dehálaš ahte searvevuođariikkat, GFF doarjagiid bokte ožžot stuorit ruhtadoarjaga investeret dearvvašvuođadoaimmaid. Presideanta Jim Kim, Máilmmibáŋkkus jáhkká ahte GFF lea buorre ovdagovva dasa movt ođđa ceavzilis doaimmaid sáhttá ruhtadit. Máilmmibáŋku hálddaša GFF. GFF deattuha bohtosiid ja sáhttá lágidit Máilmmibáŋkku bokte hálbbes loanaid searvevuođariikkaide, ja loanat doibmet  nationála ruhtadeapmin searvevuođariikkain. Dát doaibma gáibit ahte ruhtadan- ja dearvvašvuođaministarat ovttasbarget. – Dákkár ruhtadančoavddus lea miellagiddevaš dan sivas go dat gáibit duohta ovttasbarggu das movt ruhtadit ovddidandoaimmaid searvevuođariikkain, dajai stáhtaministtar Solberg, gii maid lea mieldeovdaolmmoš duhátjagiulbmiliid láidesteaddjijoavkkus. 

EWEC-bajitdásičoahkkimis logaldalai Solberg maiddái movt eanemus gillájeaddji nissonolbmuid ja mánáid dearvvašvuođadoaimmaid sáhttá nannet buori ovttasbarggu bokte surggiid rastá. – Dát šaddá hui duođalaš jagi 2015 maŋŋá, go mii duhátjagiulbmiliid leat guođđán maŋábeallai, dajai stáhtaministtar Solberg, gii maid lea mieldeovdaolmmoš duhátjagiulbmiliid láidesteaddjijoavkkus.