2014 dárkkistuvvon nationálabušeahtta:

Nanne digitála dorvvolašvuođa

Almmustahttináigodat Solberga ráđđehus

Almmustahtti: Ealáhus- ja guolástusdepartemeanta

– Ráđđehus áigu nannet barggu olaheames dorvvolaš digitála árgabeaivvi sihke fitnodagaide ja ássiide. Danin mii áigut nannet gearggusvuođa, vai sáhttit doalahit alla dorvvolašvuođadási ja fuolahit alla kvalitehta geavaheddjiide, dadjá ealáhusministtar Monica Mæland.

– Ráđđehus áigu nannet barggu olaheames dorvvolaš digitála árgabeaivvi sihke fitnodagaide ja ássiide. Danin mii áigut nannet gearggusvuođa, vai sáhttit doalahit alla dorvvolašvuođadási ja fuolahit alla kvalitehta geavaheddjiide, dadjá ealáhusministtar Monica Mæland.

– Digitála gulahallan galgá dál leat vuosttaš válljejupmi go áigu gulahallat almmolaš ásahusaiguin. Ráđđehus árvala lasihit juolludeami Brønnøysund-registariidda ja Altinn ásahussii 14,7 miljovnna ruvnnuin vai sáhttet čađahit sihkkarastindoaimmaid jagi 2014, dadjá Mæland. 

Brønnøysund-registarat ja Altinn ásahusas leat servodatkritihkalaš doaimmat maid galgá suddjet. Brønnøysund-registar lea ovttasráđiid Nationála dorvvolašvuođaeiseválddiin dárkkistan ossodaga dorvvolašvuođa. Dán dárkkisteami vuođul de ráđđehus áigu nannet dorvvolašvuođa.

– Váile 90 proseanta Brønnøysund-registera geavaheaddjin oaivvildit ahte dieđut maid sii sáddejit meannuduvvojit sihkkaris vuogi mielde. Dáinna juolludemiin áigu ráđđehus ahte galgá vel buoret dorvvolašvuohta, cealká Mæland.

Brønnøysund-registariin lea eanet dadjamuš árvoháhkama oktavuođas Norggas. Álkkásmahttima ja digitaliserema bakte Brønnøysund-registarat lea mielde álkidahttimin gulahallama almmolaš ásahusaid, fitnodagaid  ja ássiid gaskkas.

– Ealáhusat sestet miljárddaid mielde ruđaid jahkásaččat  Altinn geavaheami bakte. Elektrovnnalaš skovit ja bálvalusat mearkkašit unnit goluid ja unnit resursageavaheami. Dat álki ja earenoamáš mávssolaš norgga fitnodagaide, dadjá Mæland.

Altinn lea áidna čoavddus máilmmis mii sáhttá fitnodagaide fállat digitála bálvalusaid álggu gitta loahpa rádjai ovtta ja seamma báikkis. Ávkkálaš ja dehálaš dieđut ealáhusdolliide, bálvalusat álggaheami oktavuođas, sisa sáddet dieđuid mat gullet deháleamos almmuhangeaskkuide, diehtolonohallamiidda  ja čađahit doaimmaid mat gullet fitnodagaid ja doaimmaid ovttastupmái, sierraneapmái ja loahpaheapmái leat buot gávdnamis Altinn vuolde.

– Norga lea njunnošis máilmmis elektrovnnalaš bálvalusaid fállamis ealáhusaide. Dat láhče Norgga fitnodagaide gilvvohallanovdamuni. Danin mii fertet fuolahit ahte  Altinn ásahusas sihke lea buorre dorvvolašvuohta seammás go lea álki geavahit, dadjá Mæland.