Norga juolluda 2 miljovnna kruvnnu Girkuid Máilmmiráđi čoahkkimii
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Preassadieđáhus | Nr: 82/14 | Almmustahtton: 30.09.2014 | Maŋimuš ođasmahttojuvvon: 03.11.2014
-Ráđđehus juolluda 2 miljovnna kruvnnu vai Girkuid Máilmmiráđđi beassá lágidit váldolávdegoddečoahkkima 2016 Norggas, celkkii kulturministtar Thorhild Widvey maŋŋebárgga go galledii Girkuid Máilmmiráđi Geneves.
-Ráđđehus juolluda 2 miljovnna kruvnnu vai Girkuid Máilmmiráđđi beassá lágidit váldolávdegoddečoahkkima 2016 Norggas, celkkii kulturministtar Thorhild Widvey maŋŋebárgga go galledii Girkuid Máilmmiráđi Geneves.
-Girkuid Máilmmiráđi váldolávdegoddečoahkkin lea stuora ekonomalaš dáhpáhus gos miehtá máilmmi girkoservodagat besset čoahkkanit ja čatnat oktavuođaid, cealká kulturministtar Thorhild Widvey.
Girkuid Máilmmiráđi váldolávdegoddi lea orgána mii galgá doaibmat generálačoahkkimiid gaskka. Váldolávdegoddi čoahkkana juohke nuppi jagi, Geneves ja nuppe vuoru fas eará miellahttugirkuid ruovtturiikkas.
Čoahkkin Norggas lágiduvvo geassemánu 22.-28.b. 2016 ja dasa servet sullii 320 oassálasti.
Girkuid Máilmmiráđđi vuođđuduvvui jagi 1948 dainna ulbmilin ahte ovddidit kristtalašvuođa. Miellahtut leat iešguhtet girkut ja oskuservodagat; ortodoksalaččat, anglihkalaččat, luhteránalaš, ođasmahtit, metodisttat. Álggos ledje eanaš miellahtugirkut Eurohpás ja Davvi-Amerihkás, muhto dat ii leat šat nu. Dál leat eanaš miellahtugirkut Afrihkás, Ásias, Latiidna-Amerihkás, Gaska-Nuorttis ja Jaskesábiguovllus. Girkuid Máilmmiráđđi ovddasta eanet go 110 riikka ja 500 miljovnna kristtalaččaid.