Ođđa vearjonjuolggadusat politiijasuorgái gulaskuddamii

Almmustahttináigodat Solberga ráđđehus

Almmustahtti: Justiisa- ja gearggusvuođadepartemeanta

Justiisa- ja gearggusvuođadepartemeanta sádde otne gulaskuddamii ođđa vearjonjuolggadusárvalusa politiijasuorggi váste. Ođđa vearjonjuolggadusárvalus vuhtii váldá rievdadusaid ja hástalusaid mat politiijasuorggis leat leamaš maŋŋil go gustovaš vearjonjuolggadusat mearriduvvojedje 1989.

Justiisa- ja gearggusvuođadepartemeanta sádde otne gulaskuddamii ođđa vearjonjuolggadusárvalusa politiijasuorggi váste. Ođđa vearjonjuolggadusárvalus vuhtii váldá rievdadusaid ja hástalusaid mat politiijasuorggis leat leamaš maŋŋil go gustovaš vearjonjuolggadusat mearriduvvojedje 1989.

Politiija vearjogeavahangáibádusat leat dál čielgaseappot, almmá stuora ávnnaslaš rievdadusaid. Váldi addit lobi geavahit vearjjuid lea árvaluvvon rievdaduvvot, nu ahte operašuvdnahoavda oažžu válddi addit lobi geavahit vearjjuid jos erenoamáš dilálašvuohta dan gáibit. Ođđa vearjonjuolggadusárvalus sisttisdoallá maid sierra njuolggadusaid Suodjalussii go dat šaddá addit giehtaguššanveahki  politiijai.  Árvaluvvo maid ahte doaimmat mat gustovaš vearjonjuolggadusaid mielde gullet Justiisa- ja gearggusvuođadepartementii  galget sirdojuvvot Politiijadirektoráhtii. Dalle besset sii čađahit iežaset rolla nugo politiija stivrenorgánan. 

Árvalus čuovvola maid ráđđehusa cealkámuša ahte dábálaččat galgá leat vejolašvuohta geavahit vearjjuid daid politiijaguovlluin gos politiija oaivvilda dan buoremus čoavddusin. Njuolggadusat leat heivehuvvon dakkár bargovuohkái gos Politiijadirektoráhta beassá mearridit ahte buot dahje dihto mearriduvvon virgeolbmot iešguhtet politiijaguovllus dahje erenoamáš orgána galget sáhttit geavahit giehtavearjjuid beaivválaš bargodilis. 

Loga gulaskuddanreivve dáppe (dušše dárogillii)