Historjjálaš arkiiva

Sávvá lihku Stoltenbergii NATO ođđa generálačállin

Historjjálaš arkiiva

Almmustahttináigodat Solberga ráđđehus

Almmustahtti: Stáhtaministara kantuvra

- Mun háliidan Jens Stoltenbergii sávvat lihku go lea nammaduvvon NATO ođđa generálačállin. NATO oažžu dál nana ja čohkkejeaddji generálačálli. Stoltenberg lea otne ožžon duođalaš ja ovddasvástideaddji barggu. Lean viissis dan ala ahte son dan ámmáha doaimmaha NATO-riikkaide buoremussan. Ráđđehus háliida lagaš ovttasbarggu suinna dien ođđa ámmáhis, cealká stáhtaministtar Erna Solberg.

- Mun háliidan Jens Stoltenbergii sávvat lihku go lea nammaduvvon NATO ođđa generálačállin. NATO oažžu dál nana ja čohkkejeaddji generálačálli. Stoltenberg lea otne ožžon duođalaš ja ovddasvástideaddji barggu. Lean viissis dan ala ahte son dan ámmáha doaimmaha NATO-riikkaide buoremussan. Ráđđehus háliida lagaš ovttasbarggu suinna dien ođđa ámmáhis, cealká stáhtaministtar Erna Solberg.

- Jens Stoltenberg lea okta min njunuš politihkkár ja lea leamaš čeahpes stáhtaministtar Norgga ovddas, maiddái váttis ja losses áiggiid. Moai letne norgga riikkapolitihka oktavuođas čuvvon goabbat guoibmáme  daid maŋimuš logi jagi, maŋimuš áiggiid go leimme bellodatjođiheaddjin, ja mun boađán váillahit Stoltenberga norgga politihkas, dadjá Erna Solberg.

- Ovttasbargu NATO lihttoriikkaiguin lea buoremus dáhkádus norgga sihkkarvuhtii. Norgga ektui lea NATO iežas guhkes doaibmanáiggis duođaštan man stuora árvu das lea suodjalanlihttun ja sihkkarvuođapolitihkalaš fággin. Lea hirbmat buorre Norgii ahte mis lea generálačálli NATOs geas lea buorre máhtu hástalusaid birra Norgga lagašguovlluin. Dat lea erenoamáš dehálaš otná dilis, goas mii fertet sihkkarastit Eurohpái stáđisvuođa ja sihkkarvuođa, cealká stáhtaministtar.

- NATO lea eahpitkeahttá lihkostuvvan hui bures. Seammás fertet mii ovttasbargat ođasmahttit lihttoriikkaid ja bisuhit miellahtturiikkaid oktasaš suodjalannávccaid. Norga lea okta dain riikkain mii lea mearkkašahtti láhkai vuoruhan NATO ja dakkár beroštupmi čájeha hui čielgasit min dáhttu investeret min oktasaš suodjalussii, cealká Solberg.

Stáhtaministtar deattuha lagaš ovttasbarggu mii Norggas lea leamaš dálá generálačálliin Anders Fogh Rasmusseniin. Son lea ovddidan NATO váttis áiggis. Plána mielde Jens Stoltenberg doaibmagoahtá golggotmánu 1.b.2014 maŋŋil go Fogh Rasmussen heaitá.