2013 stáhtarehketdoallu ovddiduvvon

Historjjálaš arkiiva

Almmustahttináigodat Solberga ráđđehus

Almmustahtti: Ruhtadandepartemeanta

Preassadieđáhus | Nr: 16/2014 | Almmustahtton: 11.04.2014 | Maŋimuš ođasmahttojuvvon: 12.05.2014

2013 stáhtarehketdoalu oljomuddejuvvon vuolláibáza šattai 116,5 miljárdda kruvnno. Stáhta penšunfoandda kapitála lassánii 2013 áigge 1230,5 miljárddain kruvnnuin. Dan čájeha odne ovddiduvvon stáhtarehketdoallu.

Stáhtarehketdoallu čájeha, ahte oljomuddejuvvon vuolláibáza šattai 0,9 miljárdda kruvnno unnit, go maid ođđasalderejuvvon bušeahtas bidje vuođđun, vrd. tabeallaid 2 ja 4. Jos ii váldde vuhtii fápmudusaid, maid vuođul departemeanttat sáhttet geavahit stuorát boađuid lassigoluide, de lea unnit vuolláibáza šaddan dan geažil, go eará golut gárte 1,2 mrd. kruvnno unnibun go navde. Boađuid bealde gárte Nannán-Norgga vearro- ja divatboađut 2,0 mrd. kruvnno vuolibat, go vurdojuvvon, eará boađut fas lassánedje sullii 1,8 mrd. kruvnnuin.

Oljomuddejuvvon vuolláibáza šattai 7,2 miljárdda kruvnno unnibun go salderejuvvon bušeahtas, mii nannejuvvui čakčat 2012. Golut šadde 7,8 mrd. kruvnno vuolibun go navde. Boađuid bealde gárte vearro- ja divatboađut 6,9 miljárdda kruvnno vuolibun, eará boađut fas gárte 6,3 mrd. kruvnno stuorábun, go navde. Bušeahtaid loguid ja eará makroekonomiija loguid einnostemiide čatnasa álo eahpesihkarvuohta, ja 2013 bušeahta ja rehketdoalu spiehkasteapmi ii leat stuorát go dábálaččat.

Go mihtidit struktuvrralaš, oljomuddejuvvon vuolláibáhcaga vuođul, de gártá 2013 petroleumboađuid geavaheapmi 117,6 miljárdan kruvdnon dahje 3,1 proseantan Stáhta olgoriikka penšuvdnafoanddas (SPU), vrd. tabealla 1.

Stáhta penšuvdnafoandda kapitála lea eanaš lassánan Stáhta olgoriikka penšuvdnafoandda (SPU) bealde. 2013 loahpas lei kapitálarehketdoalus girjejuvvon SPU árvun 5 032 miljárdda kruvnno, go fas Stáhta Norgga penšuvdnafoandda (SPN) árvu lei 168 miljárdda kruvnno, vrd. tabealla 3.

Tabealla 1 2013-bušeahta čoavddalogut (mrd. kruvnno)	Salderejuvvon	Ođđasalderejuvvon	Rehketdoallu
A) Oljomuddejuvvon vuolláibáza	123,7	117,3	116,5
B) Struktuvrralaš, oljomuddejuvvon vuolláibáza	125,3	118,8	117,6
C) Vurdojuvvon reálavuoitu (4 pst)	151,7	153,0	153,0
D) Gaska 4 pst. geidnosii (B-C)	-26,4	-34,2	-35,4
E) Struktuvrralaš vuolláibáza proseantan foandakapitálas	3,3	3,1	3,1
F) Duođalaš gollošaddan (pst.)	2,4	2,7	2,4
G) Stáhtabušeahta badjelbáza loatnatransakšuvnnaid haga	0,0	0,0	0,9
H) Stáhta penšuvdnafoandda badjelbáza	380,1	358,2	358,9
I) Stáhtabušeahta ja Stáhta penšuvdnafoandda badjelbáza	380,1	358,2	359,8

Tabealla 2 Oljomuddejuvvon vuolláibáhcaga rievdan 2013 (mrd. kruvnno)	Salderejuvvon bušeahtas rehketdollui	Ođđasalderejuvvon bušeahtas rehketdollui
Oljomuddejuvvon vuolláibáhcaga njulgen	7,2	0,9
Netto boahtorievdadusat	-0,6	3,6
Das vearuid ja divadiid oassi	-6,9	-2,0
Boađut reanttuid haga hálddahusfitnodagain	0,2	0,2
Reantoboađut ja vuoitu Statoil haga	-1,4	-0,1
Stuorát boađut maid vuođul leat lassigolut		3,8
Eará boađut departemeanttaid olis	7,5	1,7
Netto gollorievdadusat	-7,8	2,7
Das beaiveruđaid oassi	-1,0	0,1
Reantogolut	-0,6	0,1
Golut maid vuođul leat lassiboađut		3,8
Eará gollorievdadusat (netto)	-6,2	-1,4

Tabealla 3 Stáhta penšuvdnafoanda 2013 (mrd. kruvnno)	Stáhta olgoriikka penšuvdnafoanda	Stáhta Norgga penšuvdnafoanda	Oktiibuot
Netto reaidaruhtarávdnji	345,2		345,2
Sirdon stáhtabušehttii	-117,3		-117,3
Reanttut ja vuoitu	125,3	5,7	131,1
Badjelbáza	353,1	5,7	358,9
Kapitála 31.12.2012	3 824,5	145,1	3 969,6
Badjelbáza	353,1	5,7	358,9
Valuhtakursamudden	291,4	-	291,4
Realiserejuvvon/realisere-keahtes vuoittut/massimat	563,3	16,9	580,2
Kapitála 31.12.2013	5 032,4	167,8	5 200,2
Rievdan árvu	1 207,9	22,6	1 230,5

Tabealla 4 Rehketdoallu, salderejuvvon bušeahtta ja ođđasalderejuvvon bušeahtta (milj. kruvnno)		Salderejuvvon bušeahtta 2013	Ođđasalderejuvvon bušeahtta 2013	Rehketdoallu 2013
1.	Stáhtabušeahtta
A	Boađut oktiibuot	1 314 841	1 289 182	1 291 821
A.1	Petroleumdoaimma boađut	401 187	379 731	378 737
A.2	Boađut petroleumdoaimma olggobealde	913 654	909 451	913 084
B	Golut oktiibuot	1 065 320	1 059 292	1 063 124
B.1	Petroleumdoaimmaid golut	28 002	32 502	33 585
B.2	Golut petroleumdoaimma olggobealde	1 037 318	1 026 790	1 029 538
	Stáhtabušeahta oljomuddejuvvon badjelbáza (A.2-B.2)	-123 663	-117 340	-116 454
+	Sirdon Stáhta olgoriikka penšuvdnafoanddas	123 663	117 340	117 340
=	Stáhtabušeahta badjebáza ovdal loatnatransakšuvnnaid	0	0	885
2.	Stáhta penšuvdnafoanda
	Netto reaidaruhtarávdnji petroleumdoaimmas stáhtabušehttii (A.1-B.1), sirdojuvvo Stáhta olgoriikka penšuvdnafondii	373 185	347 229	345 151
-	Sirdojuvvon Stáhta olgoriikka penšuvdnafoanddas stáhtabušehttii	123 663	117 340	117 340
+	Foandda reantoboađut ja vuoitu	130 600	128 300	131 072
=	Stáhta penšuvdnafoandda badjebáza	380 122	358 190	358 884
3.	Stáhtabušeahtta ja stáhta penšuvdnafoanda
	Badjebáza oktiibuot	380 122	358 190	359 769