Historjjálaš arkiiva

Nanne fálaldaga pasieanttaide geat gillájit bákčasiid- ja návccahisvuođa

Historjjálaš arkiiva

Almmustahttináigodat Solberga ráđđehus

Almmustahtti: Dearvvašvuođa- ja fuolahusdepartemeanta

Ráđđehus evttoha nannet fálaldaga pasieanttaide geat guhkilmasat gillájit bákčasiid- ja návccahisvuođa 20 miljovnna ruvnnuin, fágaidrasttideaddji poliklinihkaid ja diagnosaguovddážiid bakte.

Ráđđehus evttoha nannet fálaldaga pasieanttaide geat guhkilmasat gillájit bákčasiid- ja návccahisvuođa 20 miljovnna ruvnnuin, fágaidrasttideaddji poliklinihkaid ja diagnosaguovddážiid bakte.

- Ollu pasieanttat geain leat eahpečielga gillámušat, vásihit ahte eai doarvái bures vuhtiiváldojuvvo spesialistadearvvašvuođabálvalusas, ja dávjá sáddejuvvojit duohkot deike dikšunvuogádagas, dadjá dearvvašvuođa- ja fuolahusministtar Bent Høie.

Buohccit geain lea máŋga klinihkalaš dili gullet dávjá dán jovkui. Jovkui gullet buohcandilit maid dálkkaslaččat ii sáhte čilget, nugo mat Fibromyalgia ja bissovaš návccahisvuođadávdamearka. Pasieanttain leat dávjá guhkilmasat gillán bákčasiid- ja návccahisvuođa ja sáhttá maiddái leat doaibmaváili ja fuopmášahtti givssit.

- Ovddasmanniprošeakta spesialistadearvvašvuođabálvalusas ovdánahttit ja jođihit fágaidrasttideaddji poliklinihkaid ja diagnosaguovddážiid dagaha buoret vejolašvuođa fuomášit ja oaidnit dávdaovttastusaid ja gálgat daid hástalusaid mat dáid buhcciin leat, dadjá dearvvašvuođa- ja fuolahusministtar Bent Høie.

Ruđat galget adnot geahččalanprošektii mas spesialistadearvvašvuođabálvalusas galget ovdánahttit ja jođihit fágaidrasttideaddji poliklinihkaid ja diagnosaguovddážiid. Fálaldat galgá addot buhcciide geat guhkilmasat gillájit bákčasiid- ja návccahisvuođa.

- Nissonolbmot leat eahpegovttolaš eanetlogus dáid šlájain. Danin lea dát fálaldat maiddái dehálaš oassin ráđđehusa nissonolbmuid dearvvašvuođasuorggi vuoruheamis. Min mihttomearri lea ahte dát buhcciidjoavku álkibut galgá deaivvadit dearvvašvuođabálvalusain go maid odne vásihit, dadjá Høie.

Prošeakta galgá árvvoštallojuvvot maŋŋil geahččalanáigodaga. Dát árvvoštallan šaddá adnot vuođđun jus ovddiduvvo evttohus ahte joatkit áŋgiruššama riikkadásis.