Ávžžuhus ásahit eurohpálaš goddeguovlluid
Historjjálaš arkiiva
Almmustahttináigodat Solberga ráđđehus
Almmustahtti: Dálkkádat- ja birasdepartemeanta
Ođas | Almmustahtton: 10.06.2015 | Maŋimuš ođasmahttojuvvon: 30.06.2015
Dálkkádat- ja birasministtar Tine Sundtoft lea ožžon raportta mas árvaluvvo ásahit Eurohpálaš goddeguovlluid Norgii. Raporta sisttisdoallá vugiid movt buoridit árvoháhkama vuođđuduvvon gottiid erenoamáš historjái ja eallinvuohkái.
-Ulbmil lea ovddidit mátkeealáhusa ja seammás fuolahit ahte gottiin leat doarvái guohtuneatnamat, cealká dálkkádat- ja birasministtar Tine Sundtoft.
Bargojoavku, maid dutki Hans Olav Bråtå jođiha Østlandsforskning dutkanásahusas, lea čielggadan Norgga vejolašvuođaid márkanfievrridit goddeealáhusa jos ásaha guokte eurohpálaš goddeguovllu. Bargojoavkku raporta geigejuvvui dálkkádat- ja birasministarii otne Viewpoint Snøhettas. Hjerkinnas.
Bargojoavku ávžžuha álggahit stuorra mátkeealáhusdoaimma Villreinfjellet duoddarii. Dasa gullá maid ásahit guokte eurohpálaš goddeguovllu, davábeallái ja máttabeallái.
-Dat lea hui gelddolaš. Dál áigut guorahallat mo ášši galgá čuovvolit. Molssaeaktu lea justa ásahit goddeguovlluid, bargojoavkku ávžžuhusaid mielde, dadjá Sundtoft.
Norga lea áidna riika Eurohpás gos ain gávdnojit muhtun gottit mat álggu rájes juo leamaš dáid guovlluin. Bargojoavku árvala ahte eurohpálaš goddeguovlluide galget maiddái nationála goddeguovllut ja guoskevaš gielddat gullat. Guovllut galget máilbmái fuomášuhttit gottiid mearkkašumi, ja buoridit árvoháhkama goddeguovlluin.
-Mátkeealáhusas leat stuorra vejolašvuođat buoridit árvoháhkama várregilážiin. Dat lea dehálaš ahte eurohpálaš goddeguovllut čájehit positiivvalaš vuoiŋŋa báikkálaš doaimmaide. Dat eai galgga doaibmat ođđa hálddašeaddjin geat hehttejit ovdáneami goddeguovlluin, dadjá Sundtoft.
Loga bargojoavkku raportta dás
