Historjjálaš arkiiva

Anne Aasheim ođđa direktevran Kulturráđđái

Historjjálaš arkiiva

Almmustahttináigodat Regjeringen Stoltenberg II

Almmustahtti: Kulturdepartemeanta

Stáhtaráđđi nammadii otne Anne Aasheim (48) ođđa direktevran Norgga Kulturráđđái. Aasheim lea leamaš doaimmaheaddjin Dagbladet áviissas ja NRK guovllu- ja ođasdirektevran. Dáid virggiid oktavuođas lea son vástidan viiddis organisašuvdna rievdadusaid ja nuppástuhttimiid.

 Anne Aasheim ja kulturministtar Anniken Huitfeldt. Govva: Kulturdepartemeanta/Wenche Stadven NyboAnne Aasheim ja kulturministtar Anniken Huitfeldt.
Govva: Kulturdepartemeanta/Wenche Stadven Nybo

Stáhtaráđđi nammadii otne Anne Aasheim (48) ođđa direktevran Norgga Kulturráđđái. Aasheim lea leamaš doaimmaheaddjin Dagbladet áviissas ja NRK guovllu- ja ođasdirektevran. Dáid virggiid oktavuođas lea son vástidan viiddis organisašuvdna rievdadusaid ja nuppástuhttimiid.

- Anne Aasheim lea dat buoremus maid mii sáhttit oažžut dán virgái.  Sus lea viiddis hárjáneapmi bargat stuorra organisašuvnnain ja maiddái jođihit viiddis organisašuvdna rievdadusaid. Ja dasa lassin dovdá  son hui bures norgga kultureallima, lohká stáhtaráđđi Anniken Huitfeldt.

- Kulturráđis leat stuorra organisatuvrralaš hástalusat ovddabealde, ja mun háliidan dili láhčit nu bures go vejolaš čeahpes fágaolbmuide.  Bušeahtta rievdadusat maid stáhtaráđđi almmuhii adde munnje daid vástádusaid maid dárbbašin vuostái váldit dán doaimma,  muitala Aasheim.

Norgga kulturráđis šaddet olu rievdadusat.  Evttohuvvo sirdit ABMU arkiiva- ja museadoaimmaid Kulturráđđái ođđajagi rájes. Hálddahus duppalastojuvvo 50 bargis 90 bargiin. Jagi 2011 bušeahtas evttohuvvo dasto ahte Kulturráđđi galgá oažžut eanet válddi hálddašit almmolaš kulturdoarjagiid.

Ledje oktanuppelohkái ohcci geat háliidedje direktevravirggi Kulturráđis.

Aasheim álgá bargui nu johtilit go vejolaš ja go departemeanttain lea šiehtadallan. 

Preassas lea vejolaš deaivat Aasheima rabadettiin Kulturráđi bargiid oktasaščoahkkima, mii dollojuvvo Kulturráđis otne, bearjadaga golggotmánu 15.b. dii. 14.