Galledii Finnsnesa ja Finnfjord Smelteverk

Almmustahttináigodat Solberga ráđđehus

Almmustahtti: Oljo- ja energiijadepartemeanta

Oljo- ja energiijaministtar Tord Lien galledii vuossárgga Finnsnesa Romssas. Doppe sus ledje čoahkkimat Senja Petroain ja Profilgruppa nammasaš joavkkuin –  fitnodagat, organisašuvnnat ja eará guovddáš doaimmahusat dán guovllus. Son galledii maid Finnfjord Smelteverk.

Oljo- ja energiijaministtar Tord Lien galledii vuossárgga Finnsnesa Romssas. Doppe sus ledje čoahkkimat Senja Petroain ja Profilgruppa nammasaš joavkkuin –  fitnodagat, organisašuvnnat ja eará guovddáš doaimmahusat dán guovllus. Son galledii maid Finnfjord Smelteverk.

-Čoahkkimat Finnsnesas ledje hui ávkkálaččat, ja leai miellagiddevaš galledit Finnsnes Smelteverk. Go Vuotnabahtii lea sáhttán huksen máilmmi buoremus energiijabeaktilis ferrosilisium suddadanfitnodaga de dat čájeha áibbas čielgasit ahte dat lea vejolaš jođihit gilvalannávccalaš energiijagáibideaddji industriijabuvttadeami Davvi-Norggas. Mun oaivvildan ahte dál leat ollugat davvin geat árvvoštallet árvoháhkanvejolašvuođaid, ja háliidit doaimmaid bidjat johtui ja ráhkadit bargosajiid mat olles riikii leat ávkkálaččat, cealká oljo- ja energiijaministtar Tord Lien. 

Finnfjord Smelteverk oamasta márkanossosiid mat dahket sullii 15 proseantta ferroseilisum márkanis Eurohpás. Suddadanfitnodat lea okta dain logi máilmmi stuorimusain, ja lea Enova doarjagiid bokte čađahan viiddis ođasmahttimiid mat addet buriid energiijabohtosiid.

Stáhtaráđđi doalai maid sáhkavuoru Máhttoguovddážis Vuotnabađas. Fáddá leai fápmu ja energiija Gaska-Romssa industriijaguovllus. Dáppe bođii ovdan ahte galggašii huksegoahtit dárbbašlaš neahttaviiddidemiid.  

-Dála neahtta ii govčča daid elfápmodárbbuid mat leat Nordlánddas, Romssas ja Finnmárkkus, ii otná dárbbuid, iige boahttevaš lassáneaddji dárbbuid. Statnett lea dál ožžon lobi hukset fápmojohtasa Ofuohtas Báhccavutnii ja mun oaivvildan ahte das lea stuorra ávki dán guvlui go dat doaibmagoahtá. Muđui departemeanta vuoruha fápmojohtasiid váiddameannudanáššiid Báhccavuonas Skáidái, dadjá oljo- ja energiijaministtar Tord Lien.  

 

Stáhtaráđđi Tord Lien galledii earret eará Finnfjord smelteverk. Gurutravddas háld.dir. Geir Henning Wintervoll. (HSI/OED)