Historjjálaš arkiiva

Bollestad deaivvai nuorra badjeolbmuid

Historjjálaš arkiiva

Almmustahttináigodat Solberga ráđđehus

Almmustahtti: Eanandoallo- ja biebmodepartemeanta

Juovlamánu 18. b. lágiduvvui Norgga boazosámiid riikkasearvvi nuoraidlávdegotti ja eanandoallo- ja biebmoministara čoahkkin. Čoahkkin lágiduvvui dan oktavuođas, go Bohccobierggu márkanlávdegoddi maiddái dán jagi lágidii NBR nuoraidlávdegoddái márkanbeaivvi, ja dan prográmmii gulai deaivvadeapmi eanandoallo- ja biebmoministariin.

Áirasat muitaledje iežaset orohagaid dili birra. Dasto ságaškušše nuorra badjeolbmuid hástalusaid ja vejolašvuođaid birra. Lea šaddan dáhpin juohke jagi lágidit deaivvadeami NBR nuoraidlávdegottiin.

– Munnje lea mávssolaš deaivvadit nuorra boazodolliiguin, lea hui ávkkálaš. Dát boazosápmelaččat dat jotket ealáhusain ja ovddidit dan viidáseappot boahtteáiggis, dadjá eanandoallo- ja biebmoministtar, Olaug Bollestad (KrÁ).

Eanandoallo- ja biebmoministtar Olaug Bollestad deaivvadii NBR nuoraidlávdegottiin.
Eanandoallo- ja biebmoministtar Olaug Bollestad deaivvadii NBR nuoraidlávdegottiin. Govva: Eanandoallo- ja biebmodepartemeanta