Čielggadeapmi dáiddárekonomalaš gažaldagaid birra geigejuvvui kulturministarii

-Ráđđehus háliida eanebuid  ruhtadit kulturdoaimmaid, ja kultursuorggis lasihit fitnodagaid. Go smávit dáiddadoaimmaide juolluda doarjagiid, de dat lea dehálaš invensteren ođđa ja earálagan jurddašeapmái mii servodaga ovddida ja riggodahttá, cealká kulturministtar Thorhild Widvey. Son doaivu ahte čielggadeapmi livččii ávkkálaš dáiddárpolitihka ođasmahttindoaimmas, nu ahte eanebut sáhttet eallit dáidagiin.

Lassin dan ahte čielggadit dáiddáriid ekonomiija lea maid čielggaduvvon vuogit movt  dáiddamárkana sáhtašii ovddidit ja maiddái eará dehálaš gažaldagat nugo digitaliseren, dahkkivuoigatvuođat ja fitnodatásaheapmi.

Dáiddárčielggadeamis árvaluvvo sierra hálddašeapmi dáiddárpolitihkalaš áššiid várás, juogo sierra orgána, dahje ossodat Norgga kulturráđi vuolde. Čielggadeamis čujuhuvvo maid dasa ahte gávdnojit ollu vejolašvuođat  ovdánahttit ođđa fitnodagaid ja ealáhusaid ja árvaluvvo ge álkidahttit njuolggadusaid dáiddáriidda.

-Mii dárbbašat eanet ulbmillaš  váikkuhangaskaomiid mat leat heivehuvvon servodaga ovdáneapmái. Mun háliidan divaštallama árvalusaid birra movt ovddidit dáiddárpolitihka. Lassin viiddis gulaskuddama áigut mii bovdet gulahallanseminárii gulaskuddanáiggis, dadjá kulturministtar.

Vigids Moe Skarstein lea jođihan čielggadanbarggu. Referánsajoavku mas ledje mielde ámmát dáiddárat lea maid searvan dán barggus, ja nu lea ge vuosttas geardde ahte dáidda- ja dáiddárpolitihkka lea meannuduvvon dáiddáriid oaidninsajis. Referánsajoavkku miellahtut: 

• Anne Katrine Dolven, dáiddar
• Esperanza Rosales, galleriijaeaiggát ja dáiddačoaggi prošeaktajođiheaddji
• Jo Strømgren, bagadalli, lágideaddji ja dánsejeaddji
• Knut Schreiner, musihkkár, čálli ja studeanta
• Stein Bjelland, kulturbargi
• Ellen Aslaksen, dutki ja Norgga kulturráđi FoU-jođiheaddji 
• Randi Eek Thorsen, Seastinbáŋkkuvuođđudusa DNB stivrajođiheaddji 
• Christian P. Iversen, Brønnøysundregistrene