Dearvvašvuođabargiidkommišuvdna geigii čielggadusas

Lávdegotti lea jođihan Gunnar Bovim, NTNU ovddeš rektor ja Gaska-Norgga Dearvvašvuođa hálddahuslaš direktevra.

Dearvvašvuođabargiidkommišuvdna lea čađahan ollislaš ja máhtolašvuhtii vuođđuduvvon čielggadusa mas lea árvvoštallan dearvvašvuođa- ja fuolahusbálvalusa dárbbuid fágaolbmuide ja gelbbolašvuhtii jagi 2040 rádjai. Kommišuvdna lea maid evttohan iešguđet oahppofálaldagaid ja doaibmabijuid maiguin buoridit rekrutterema ja doalahit dohkálaš fágabargiid dearvvašvuođa- ja fuolahusbálvalusas miehtá riikka, dusten dihte hástalusaid oanehit ja guhkit áiggi.

– Dearvvašvuođabargiidkommišuvdna lea vuđolaččat čilgen mo dilli duođai lea dán suorggis maid fertet dál duođas váldit, ja sii dadjet ge ieža ahte kommišuvdna ásahuvvui rivttes áigái. Áiggun giitit buohkaid dehálaš raportta ovddas. Dat čájeha ahte dál fertet doaimmaid álggahit. Ovttasbarggus galgat sihkkarastit oadjebasvuođa, sihke sidjiide geat leat huksen min čálgoservodaga, ja boahttevaš buolvvaide. Mii dárbbašat erenoamážit eanet fágabargiid, eanet ollesáiggebargiid, ja buoret ovttasdoaibmama gaskal gielddadearvvašvuođabálvalusa ja buohcceviesuid vai mii nagodat bisuhit máilmmedási guoddevaš dearvvašvuođabálvalusa – min oktasaš dearvvašvuođabálvalusa, dadjá dearvvašvuođa- ja fuolahusministtar Ingvild Kjerkol.

Oahpahusvuogádat lea dehálaš vai sáhttit fállat buriid dearvvašvuođa- ja fuolahusbálvalusaid ja gealbudit bálvalusa deháleamos resurssaid – olbmuid  geat barget doppe vai sii sáhttet fuolahit iežaset dehálaš doaimmaid.  

– Lávdegoddi sáhttá duođaštit ahte mii sáhttit bargiid massit ovdal go ruđas nohkkot. Dat mearkkaša ahte mii eat sáhte dušše gealbudahttit olbmuid hasatalusain eret. Seamma dehálaš lea sihkkarastit ahte oahppofálaldagat  heivehuvvojit dearvvašvuođa- ja fuolahusbálvalusa duohta dárbbuide.  Ovddasguvlui lea dehálaš geahčadit mo eastadit ja čoavdit čuolmmaid oahpahusásahusain ja láhčit buori vuođu ođasmahttimii ja nuppástuhttimii, maid sihke dearvvašvuođasuorgi ja servodat dárbbaša, dadja dutkan- ja alitoahppoministtar Ola Borten Moe.

NAČ sáddejuvvo dál gulaskuddamii

Ráđđehus nammadii Dearvvašvuođabargiidkommišunna juovlamánus 2021 ja das leat mielde:

• Gunnar Bovim (jođiheaddji)
• Anne Turid Wikdahl
• Magne Nicolaisen
• Kristin Kornelia Utne
• Iren Mari Luther
• Torbjørn Solberg
• Rebwar Salar Nori Saleh
• Lizzie Irene Ruud Thorkildsen
• Magne Wang Fredriksen
• Marit Karlsen
• Lisbeth Sommervoll
• Ellen Margrethe Hoxmark
• Vegard Iversen
• Anne-Grethe Naustdal
• Olav Helge Førde
• Morten Dæhlen