Aktiver Javascript i din nettleser for en bedre opplevelse på regjeringen.no

Dielddanuorri laktojuvvo sámegielaid hálddašanguvlui

hálddašanguvlui. Sámi ássiide lea mávssolaš, ahte sámegiella ja dárogiella šaddet dál ovttaárvosažžan suohkanis, dadjá guovllu- ja digitaliserenministtar Linda Hofstad Helleland.

Dielddanuori suohkan lea Romssa ja Finnmárkku fylkkas ja laktojuvvo sámegielaid hálddašanguvlui suoidnemánu 1. b. 2020. Ráđđehus sáddii juovlamánus gulaskuddamii árvalusa, man mielde Dielddanuorri laktojuvvo hálddašanguvlui. Máhcahat lea leamaš positiiva ja máŋgasat leat čujuhan dasa, ahte laktin lea mávssolaš vai suohkanis besset nannet giellabargguid.

- 2020 reviderejuvvon nationálabušeahtas lea evttohuvvon juolludit Sámediggái 2,25 miljovnna kruvnno eanet lassigoluid gokčamii, cealká Helleland.

Vásáhusat eará gielddain čájeha, ahte go gielda šaddá sámegiela hálddašanguovllu oassin, de giella oažžu buoret stáhtusa ja dohkkeheami.

- Máŋgasat leat bargan sámegiela ja kultuvrra nannemiin márkosámi guovllus. Bargu lea ožžon kultuvrra ja giela lieđđut, ja ovddida gieldda sámegielagiidda buoret giellafálaldaga, dadjá Linda Hofstad Helleland.

Sámegiella ja dárogiella leat ovttadássásaš gielat hálddašanguovllus