Historjjálaš arkiiva

Psyhkalaš dearvvašvuođasuddjenláhka rievdaduvvo – sihkkarvuohta nannejuvvo

Historjjálaš arkiiva

Almmustahttináigodat Regjeringen Stoltenberg II

Almmustahtti: Dearvvašvuođa- ja fuolahusdepartemeanta

Ráđđehus árvala rievdadit psyhkalaš dearvvašvuođasuddjenlága nannet sihkkarvuođa smávva ovttadagain gos leat erenoamáš váralaš divššohasat. Árvalus sisttisdoallá ođđa sihkkarvuođamearrádusaid guovlulaš sihkkarvuođaossodagaid várás, ja láhkavuođu ásahit erenoamáš bures sihkkarastojuvvon ovttadaga.

Ráđđehus árvala rievdadit psyhkalaš dearvvašvuođasuddjenlága nannet sihkkarvuođa smávva ovttadagain gos leat erenoamáš váralaš divššohasat. Árvalus sisttisdoallá ođđa sihkkarvuođamearrádusaid guovlulaš sihkkarvuođaossodagaid várás, ja láhkavuođu ásahit erenoamáš bures sihkkarastojuvvon ovttadaga.

-Dálá láhka ii earut iešguđetlágan sihkkarvuođadásiid. Dát mearkkaša stuorra gárgádusvára, gisselduogušteami ja duođalaš veahkaválddálašvuođa divššohasaid ja bargiid ektui daid dearvvašvuođaásahusain gos erenoamáš váralaš divššohasat leat divššus. Dáid váilivuođaid háliida ráđđehus dál njulget. Árvalus lea dušše sihkkarvuođa birra ja ii ge rievdat lága mii guoskkaha jos dahje man guhká dubmejuvvon olmmoš galgá dubmejuvvot bákkolaš psyhkalaš dearvvašvuođasuddjemii, cealká dearvvašvuođa- ja fuolahusministtar Anne-Grete Strøm-Erichsen.

Otná lágaid ektui ii beasa iskat buktet go erenoamáš váralaš divššohasat váralaš biergasiid nugo niibbiid, ráhkenbláđiid ja bissuid guovlulaš sihkkarvuođaossodagaide. Maiddái ii leat lohpi iskkadit gallededdjiid ja iige bargiin gáibidit eallingearddi duođaštusa. Fágabirrasat leat cuiggodan dáid váilivuođaid, maiddái ovdal suoidnemánu 21.beaivvi.

Láhkaárvalus maid ráđđehus ovddida otne galggašii oaččuhit áigái stuorit, muhto ráddjejuvvon lobi čađahit sihkkarvuođadoaibmabijuid guovlulaš sihkkarvuođaossodagain. Árvalus attášii lobi burgit divššohasaid, dárkut ja ráddjet divššohasaid oktavuođaid olgomáilmmiin, ja lobi iskkadit gallededdjiid ja dárkkistit eallingearddi duođaštusa olbmuin geat barget guovlulaš sihkkarvuođaossodagain.

Árvaluvvo maid láhkavuođđu ásahit ovttadaga gos lea erenoamáš čavga sihkkarvuohta sierra sihkkarvuođamearrádusaiguin. Ovttadat galgá muhtun guovlulaš sihkkarvuođaossodaga vuollásaš ja deavdit dearvvašvuođaásahusaid gustovaš gáibádusaid. Ii leat vuos mearriduvvon galgá go ja gosa dát ovttadat galgá biddjot, muhto jurdda lea ahte ásahuvvo muhtun ráŋggáštanásahussii.

-Mun lean hui rahpasit dovddahan ahte terroráššáskuhtton dagut suoidnemánu 21.beaivvi leat dagahan dárbbu láhkarievdadusaide. Lága vuođul galgá vejolaš duopmu bákkolaš psyhkalaš dearvvašvuođasuddjemii čađahuvvot dearvvašvuođaásahusas ja sirdin galgá dáhpáhuvvat "dakkaviđe" go riektefámolaš duopmu lea celkojuvvon. Stuoradiggi berre oažžut válddi mearridit dárbbašlaš láhkarievdadusaid ovdal geasi, vai sihkkarvuođadoaibmabijut doaibmagohtet nu johtilit go vejolaš. Mun ádden daid heajut beliid maid oanehis cealkináigi mielddisbuktá, muhto ain oaivvildan ahte deasttat sihkkarvuhtii ja álbmoga dorvvolašvuođadárbbut leat deháleamos loahpaha dearvvašvuođa- ja fuolahusministtar.

Sihkkarvuođa nanusmahttimii lea maiddái mearriduvvon ásahit našunála koordinerenovttadaga čohkket oppalaš dieđuid olbmuid birra geat leat dubmehallan bákkolaš psyhkalaš dearvvašvuođadikšui. Árvaluvvon njuolggadusat galget earret eará mearridit koordinerenovttadahkii lobi registreret dieđuid dubmejuvvon olbmuid birra.

 

Følg Helse- og omsorgsdepartementet på Facebook Følg oss på Facebook       Følg Helse- og omsorgsdepartementet på Twitter Følg oss på Twitter