Viken guovllu ráddjehusat rivdet

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

Viken fylkkas leat njoammunlogut unnogoahtán, muhto muhtun gielddain leat ain ollu njoammumat. Ráđđehus lea Dearvvašvuođadirektoráhta, Álbmotdearvvašvuođainstituhtta ja stáhtahálddašeaddji ávžžuhusaid vuođul mearridan rievdadit guđa Viken-gieldda doaibmadási. Gielddain, main ain galget gustot guovlluide mearriduvvon ráddjehusat, čuvvot ortnega sotnabeaivvi, miessemánu 16. beaivvi rádjai. Ođđa árvvoštallan dahkkojuvvo vahku geažes.

Lillestrøm, Lørenskog ja Rælingen sirdojuvvojit doaibmadásis A doaibmadássái B duorastaga miessemánu guđát beaivve, dainna eavttuin ahte dat ásahit čavgadut báikkálaš ráddjehusaid, maid dat buohtalastet iežaset gaskka ja Oslo gielddain. Ullensakera gielda sirdojuvvo doaibmadásis A doaibmadássái B vuossárgga, miessemánu goalmmát beaivvi rájes. Eidsvolla ja Nannestada gielddain eai šat gusto guovlluide mearriduvvon ráddjehusat vuossárgga, miessemánu goalmmát beaivvi rájes.

- Čavga ráddjehusaid geažil njoammunlogut unnot dađistaga Vikenis. Vaikko njoammunlogut leat ain badjin gielddain, mat leat ránnjážat Oslo nuortaguovlluiguin, de leat njoammunlogut geahppanan dan muddui, ahte njeallje Romerike gieldda, mat leat gullan doaibmadássái A njukčamánu 16. beaivvi rájes, sáhttet biddjojuvvot doaibmadássái B. Dat dahkkojuvvo dainna eavttuin ahte Lillestrøm, Lørenskog og Rælingen gielddat buohtalastet ráddjehusaideaset Osloin, ja ásahit nana, buohtalastojuvvon ráddjehusaid guovlluide mearriduvvon ráddjehusaid lassin, dadjá dearvvašvuođa- ja fuolahanministtar Bent Høie.

Dearvvašvuođadirektoráhtta, Álbmotdearvvašvuođainstituhtta, Oslo ja Viken stáhtahálddašeaddji ja gielddat gulahallet dárkileappot ášši birra. Eanaš gielddat dorjot ávžžuhusa.

Muhtun gielddain berrejit ain leat čavgadut báikkálaš ráddjehusat doaibmadási B lassin

Dát gielddat sirdojit doaibmadásis A doaibmadássái B gaskaija, miessemánu 6. beaivvi čuovganeapmái:

  • Lillestrøm
  • Lørenskog
  • Rælingen

Dáid gielddain gáibiduvvo, ahte dat buohtalastet ráddjehusaid gaskaneaset ja Oslo gielddain, vai dan láhkai ásahit doarvái nana báikkálaš ráddjehusaid johtima ja deaivvademiid hárrái. Dat boahtá guovlluide mearriduvvon doaimmaid lassin, ja vuođđun ferte leat báikkálaš ja guovllu njoammundilli.

Dán golmma gildii Álbmotdearvvašvuođainstituhtta ávžžuha dáid báikkálaš ráddjehusaid, maid maid berre buohtalastit Osloin:

  • Giddet gávpeguovddážiid, dahje gieldit borramuša dárjuma gávpeguovddážiin seammásgo nannet geahču ja ráddjet gallis besset sisa gávpeguovddážiidda

  • Gieldit borramuša dárjuma siste, muhto suovvat borramuša dárjuma olgun eará dárjunbáikkiin

  • Ráddjet gallis besset lágidemiide, maid beassá lágidit doaibmadásis B (hávdádusaide eanemustá 50 olbmo, osko- ja eallinoaidnočoahkkanemiide eanemustá 10 olbmo).

Dát gielddat sirdojit doaibmadásis A doaibmadássái B gaskaija, vuossárgga miessemánu 3. beaivvi čuovganeapmái:

  • Ullensaker

Dát gielddat jotket doaibmadásis B:

  • Asker
  • Bærum
  • Drammen
  • Enebakk
  • Fredrikstad
  • Frogn
  • Halden
  • Indre Østfold
  • Lier
  • Moss
  • Nordre Follo
  • Råde
  • Sarpsborg
  • Vestby
  • Ås

Rievdadusat gustojit guokte vahku gitta miessemánu 16. b. 2021 rádjai, muhto vahku geažes árvvoštallet doaibmadási.

Eidsvoll ja Nannestad gielda, mat odne gullet doaibmadássái B, váldojuvvojit eret ortnegis gaskaija, vuossárgga miessemánu 3. beaivvi čuovganeapmái 2021.

Dá oainnát iešguđet doaibmadásiid ráddjehusaid.