Ođđa boazodoallošiehtadus lea šihttojuvvon

Norgga Boazosápmelaččaid Riikasearvi  ja Stáhta leat odne guovvamánu 23.beaivve soabadan ođđa boazodoallošiehtadusain áigodagas 01.07.2012 – 30.06.2013. Šiehtadusa sisdoallu lea ekonomalaš doaibmabijut oktiibuot 104,5 millijovnna kruvnnu  ovddas.  Dat lea 2,5 mill kr eanet go dán jagi šiehtadus.

- Dán šiehtadusa vuođul boazodollui addojuvvo vuođđu joatkevaš positiiva ovdáneapmái.  Šiehtadus joatká nuppástuhttindoaimmaid boazodoallošiehtadusa doaibmabijuid bokte. Dás deattuhuvvo ahte boazodoallu galgá ealáhussan, ja nu láhčit dili buorebut sidjiide geain boazodoallu lea váldoealáhussan, cealká eanandoallo- ja biebmoministtar Lars Peder Brekk.

• Loga olles boazodoallošiehtadusa 2012/2013: (norsk, pdf, 1 MB)
• Loga boazodoallošiehtadallamiid loahppaprotokolla 2012: (pdf, 3 Mb)

Eambbo njuovvan ja buvttadeapmi
Boazodoallošiehtadusa 2012/2013 váldoulbmil lea oaččuhit áigái eanet márkanguvllot buvttadeami ja lasihit árvoháhkama. Doarjagat mat leat čadnon buvttadeapmái joatkašuvvet smávit lassánemiiguin. Joatkkašupmi addá vejolašvuođaid  eambbo njuovvat  ja buvttadit, mii fas addá eaŋkil boazobargái oadjebasvuođa ja einnostahttivuođa.

Báikkálaš borramušprográmma
Šiehtadus mielddisbuktá ahte boazodoalu Árvoháhkanprográmma heaittihuvvo, ja ođđa prográmma ásahuvvo boazodoalu várás mii lea Báikkálaš borramušprográmma sullasaš.  Ođđa prográmma galgá heivehuvvot boazodoalu hástalusaide.  Prográmmas galget mielde boazodoalu mátkeealáhusa ovddidandoaimmat, ja nu maiddái ovttasbargodoaimmat gaskal boazodoalu ja reidenfitnodagaid.

Oahppo- ja fuolahusbálvalusat
Šiehtadallit leat ovttamielalaččat dasa ahte ásahit sierra oahppo- ja fuolahusbálvalusortnega boazodollui. Šiehtadallit oidnet ahte oahppo- ja fuolahusbálvalusat leat ealáhusguvllot doaibmabijut  mat sáhttet addit boazodollui lassi sisaboađu. Dasa lassin lea dákkár ortnet mielde huksemin buori beaggima boazodoalu ektui. Ortnet galgá heivehuvvot ealáhusa kultuvrii ja iešvuhtii.