Muhtun viiddideamit momsabuhtadusa ortnegis
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 49/2016 | Almmustahtton: 06.10.2016 | Maŋimuš ođasmahttojuvvon: 12.10.2016
2017 stáhtabušeahtas evttoha ráđđehus muhtun viiddidemiid lassiárvodivatbuhtadusa ortnegis suohkansuorgái. Evttohusain lea okta siskkildit ásodatservviid ja eaiggátsekšuvdnasearveopmodagaid gos ássit dárbbašit veahki ja fuolahusa.
Dáinna čuovvula ráđđehus Sundvoll-cealkámuša čuoggá ahte ásodatsearvvit ja searveopmodagat mat ovttasbarget suohkaniin dearvvašvuođa- ja fuollabálvalusaid doaimmahit, galget váldot mielde buhtadusortnegii.
-Evttohus sáhttá buktit eambbo heivehanmunát čovdosiid mas lea eanet ovttasbargu gaskal priváhta ja suohkanlaš osolaččaid, dadjá ruhtadanministtar Siv Jensen (OvB).
- Eaiggáduššat iežas orrunbáikki lea vuđolaš oadjebasvuohta árgabeaivvis maid eatnasat háliidit. Doaimmashehttejumi olbmuide ja earáide geat dárbbašit fuollaorrunbáikki lea dát earenoamáš dehálaš, dadjá gieldda- ja ođasmahttinministtar Jan Tore Sanner.
Viiddideapmi lea ruhtaduvvon dan bokte ahte suohkaniidda lea geahpiduvvon rámmadoarjja mii vástida dan maid vurdet máksit buhtadussan eaiggátsekšuvdnasearveopmodagaide ja ásodatservviide.
Ráđđehus evttoha maiddái ahte friddjaskuvllaid internáhtat galget boahtit mielde buhtadusortnegii. Internáhtat leat lahka čadnon skuvllaid oahpahusa vuostá.
Rávisolbmuid oahpahussii, geain ii leat vuoigatvuohta joatkkaoahpahussii, de lassiárvodivada golut gokčojuvvojit stáhtadoarjaga máksomeriid lasihemiiguin.