Falástallansearvvit ožžot 185 milliuvnna ruvnna falástallanrusttegiid huksemii
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Preassadieđáhus | Nr: 98/17 | Almmustahtton: 13.10.2017
Ráđđehus evttoha juolludit 185 milliuvnna ruvnna buhttet lassiárvodivvaga go huksejit falástallanrusttegiid. Supmi lea 14 milliuvnna ruvnna eanet go dat mii lei 2017:s ja de lea juolluduvvon 170,9 milliuvnna ruvnna.
– Falástallanjoavkkut ja searvvit oassálastet garrasit falástallanrusttegiid huksemiidda. Ráđđehus háliida háhkat buriid rámmaeavttuid dákkár investeremiidda, lohká kulturministtar Linda Hofstad Helleland.
– Doarjjaevttohus lea sullii golmma geardde eanet go dat mii juolluduvvui 2013:s. Falástallanjoavkkut ja searvvit leat jahkásaččat 2013 rájes ožžon mieđihuvvot iežaset dohkkehuvvon ohcansupmiid. Ráđđehus háliida joatkit buori ja einnosteaddji ortnega ohcciide, lohká Hofstad Helleland.
Ulbmil buhttenortnegiin lea geahpedit rusttetinvesteremiid ruhtadeami falástallanjoavkkuide ja servviide. Ortnet lea buohkaide geat ohcet og devdet eavttuid váldit vuostá speallanruđaid falástallanrusttegiid huksema doarjjaortnega bokte, earret suohkanat/fylkasuohkanat ja suohkanlaš doaimmahagat.