Evttohat viiddidit geatnegahttojuvvon dulka- ja ofelastinbálvalusa bealjehisčalmmehemiid várás

Evttohat viiddidit geatnegahttojuvvon dulka- ja ofelastinbálvalusa bealjehisčalmmehemiid várás.

– Ráđđehus áigu sihkkarastit ahte bealjehisčalmmeheamit besset searvat aktiivvalaččat  hárjehallamiidda ja astuáiggedoaimmaide. Jagi 2012 rievdadus váikkuhii negatiivvalaččat ja ráddjii ollugiid doaibmanvejolašvuođaid. Dan dihte evttohat viiddidit geatnegahttojuvvon  dulka- ja ofelašbálvalusa bealjehisčalmmehemiid várás, cealká bargo- ja sosiálaministtar Anniken Hauglie. 

Álbmotoadju addá vuoigatvuođa bealjehisčalmmehemiide geavahit dulka- ja ofelašbálvalusa diliin gos dárbbašat veahki doaibmat bargoeallimis dahje dábálaš eallimis. 

Viiddideapmi mearkkaša ahte čalmmehisbealjeheamit maiddái astoáiggedoaimmain besset geavahit ofelačča geas lea dulkongelbbolašvuohta. Earret eará jos dárbbašit ofelašveahki searvat fysalaš doaimmaide, gávppašit, fitnat kafeas dahje searvat kultuvrralaš doaimmaide.  

– Geatnegahttojuvvon dulka- ja ofelastinbálvalusa viiddideami nannen buorida bealjehisčalmmehemiid vejolašvuođaid searvat árgabeaidoaimmaide, cealká stáhtaráđđi Anniken Hauglie.