Girjelága heaittihanevttohus
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Preassadieđáhus | Almmustahtton: 13.12.2013 | Maŋimuš ođasmahttojuvvon: 13.01.2014
Ráđđehus ovddida odne láhkaproposišuvnna Stuorradiggái mii heaittiha dálá girjelága. – Buorre lohkkiide, girječálliide ja girjjálašvuhtii nai, dadjá kulturministtar Thorhild Widvey.
Ráđđehus ovddida odne láhkaproposišuvnna Stuorradiggái mii heaittiha dálá girjelága. – Buorre lohkkiide, girječálliide ja girjjálašvuhtii nai, dadjá kulturministtar Thorhild Widvey.
– Ráđđehus áigu doaimmahit ulbmillaš ja ođđaáigásaš girjjálašvuođapolitihka mii lea buorrin girječálliide, lohkkiide ja mii iešalddis ovddida girjjálašvuođa. Ulbmil lea girjjálašvuođa mii lea viiddis, girjái ja mas lea buorre kvalitehta ja ahte gávdno miehta Norggas, cealká kulturministtar Thorhild Widvey.
Girjeealáhusa rámmaeavttuin áigu ráđđehus ovddasguvlui deattuhit gilvoovddideaddji beroštumiid. Lea áigumuš bisuhit dálá láhkaásahusa mii dagaha vejolažžan spiehkastit gilvolágas vai girjeealáhus sáhttá šiehtadit ođđa ja ođastuvvon girjesoahpamuša.
Stuorradiggeproposišuvnnas 33 L (2013-2014) evttoha ráđđehus ahte girjeláhka heaittihuvvo. Ovddit Stuorradiggi dat mearridii girjelága, muhto dat ii leat vel fápmuibiddjon.