Guhkesáigásaš bargguhemiid nannejuvvon čuovvoleapmi

Ráđđehus áigu addit nannejuvvon čuovvoleami bargoohcciide geat leat leamaš bargguheamet guhká. Dasa lassin evttoha ráđđehus 500 lassi doaibmabidjosaji mánnui eastadit guhkesáiggebargguhisvuođa.

– Bargguhisvuohta njiedjá ja lea unnit go seamma áigge diibmá. Eatnašat leat oalle oanehisáigge bargoohccit, muhto mii oaidnit maiddái ahte muhtumat leat bargguheamet guhká. Ráđđehus ražasta guhkesáiggebargguhemiid ovddas  ja nanne sin vejolašvuođaid beassat bargat fas, dadjá bargo- ja sosiálaministtar Anniken Hauglie. Ođđa vuoruheapmi guhkesáiggebargguhisvuođa vuostá reviderejuvvon nationálabušeahtas lea oktiibuot 57,1 miljovnna kruvnna. 

– Leat bargguheapme guhká lea duođalaš ovttaskas olbmui ja servodahkii. Mii fertet garvit guhkesáiggebargguhemiid šaddamis bargoeallima olggobeallai vaikko bargomárkan lea buorránan. Dalle dárbbašuvvojit ulbmillaš doaibmabijut, dadjá stáhtaráđđi.

Nannejit

Bargguhemiin geat leat dieđihan iežaset NAV:i, lea geažos áigge čuovvolanvejolašvuohta. Seammás fidnejit eambbosat barggu go beaiveruhtaáigodat nohkagoahtá. Doarjun dihtii dán effeavtta, de áigu ráđđehus nannet čuovvoleami bargoohcciin geat ain leat barggu haga go leat vel su. guhtta mánu beaiveruhtaáigodagas. Bargo- ja čálgoetáhta bargoveahkaresurssat galget nannejuvvot 18,6 miljovnnain kruvnnain čuovvoleamis.

Bargomatch

Intensiverejuvvon čuovvoleapmi sáhttá ovdamearkka dihtii leat dávjjit čuovvolanságastallamat, veahkki bargomatchemii, bargoohcandoaimmat, fárrendoarjaga bagadallan, dieđut sisaboahtosihkkarastima birra ja eará doaibmabijut mat loahpas addet barggu.

500 doaibmabidjosaji eanet

Bargomárkandoaibmabijut galget ain leat okta máŋgga áigeguovdilis gaskaoamis oažžut barggu. Ráđđehus evttoha nannet bargomárkandoaibmabijuid fálaldaga gaskamearálaččat 500 sajiin 2017 nuppi jahkebealis. Sajit galget addit oahpahallama ja oahpu ja galgá leat bargguhemiid ja hedjonan bargonávccat olbmuid várás, ja galget váikkuhit dasa ahte unnit olbmot gevvet guhkes bargguhisvuođa riskajovkui.

Nannet mearkkaša ahte juolludeapmi lassána 35 miljovnnain kruvnnain. Dasa lassin lasihuvvojit Bargo- ja čálgoetáhta bargoveahkaresurssat 3,5 miljovnnain kruvnnain.

Fáktá

  • 2016:s ledje su. 11 800 olbmo geat ledje geavahan olles beaiveruhtaáigodaga jagi 2015 ektui goas ledje 11 000 olbmo.
  • 2012:s ledje 23 proseantta bargguhemiin leamaš bargguheamet guhkit go guhtta mánu.
  • 2016:s lei lohku lassánan 26 prosentii.
  • Guhkesáiggebargguhisvuohta lea lassánan eanemusat fylkkain mat leat garrasepmosit gillán oljonjiedjamis.